ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مەن Starlink كومپانياسى (SpaceXء-تىڭ ەنشىلەس قۇرىلىمى) سپۋتنيكتىك ينتەرنەت قىزمەتىن قازاقستان اۋماعىندا رەسمي ىسكە قوسۋ تۋرالى كەلىسىمگە قول قويدى.
قۇجات كومپانيانىڭ ەلىمىزدىڭ اقپاراتتىق قاۋىپسىزدىك جانە بايلانىس سالاسىنداعى زاڭناماسىن تولىق ساقتاي وتىرىپ جۇمىس ىستەۋىن كوزدەيدى، دەپ حابارلايدى aqshamnews.kz.
قۇجات قازاقستان حالقى ءۇشىن Starlink سپۋتنيكتىك تەرمينالدارىن رەسمي تۇردە ساتۋدى ىسكە قوسۋدى كوزدەيدى – ساتىلىمدار 2025 جىلدىڭ ءۇشىنشى توقسانىندا باستالادى دەپ جوسپارلانىپ وتىر.
جوبانى ىسكە اسىرۋ – ەلدىڭ شالعاي وڭىرلەرىن جوعارى جىلدامدىقتاعى سپۋتنيكتىك ينتەرنەتپەن قامتاماسىز ەتۋدە ماڭىزدى قادام بولماق. بۇل سيفرلىق بايلانىس مۇمكىندىكتەرىن كەڭەيتىپ، تەلەكوممۋنيكاسيالىق ينفراقۇرىلىمدى دامىتۋعا تىڭ سەرپىن بەرەدى.
جوعارى جىلدامدىقتى ينتەرنەتكە Starlink ارقىلى قوسىلۋ اۋىلدىق مەكتەپتەر، مەديسينالىق مەكەمەلەر، ءموبيلدى توپتار مەن ينفراقۇرىلىم نىساندارىنا ساپالى بايلانىسقا قول جەتكىزۋگە مۇمكىندىك بەرەدى. بۇل اسىرەسە تالشىقتى-وپتيكالىق جەلىلەردى ەكونوميكالىق نەمەسە تەحنيكالىق تۇرعىدان تارتۋعا قيىندىق تۋدىراتىن وڭىرلەردە وزەكتى بولىپ وتىر.
«قازاقستان — اۋماعى كەڭ، حالقى ءار وڭىرگە شاشىراڭقى ورنالاسقان ەل. بارلىق تۇرعىنداردى ساپالى ينتەرنەتپەن قامتۋ ءۇشىن تالشىقتى-وپتيكالىق بايلانىس جەلىلەرىنەن ۇيالى بايلانىس مۇنارالارىنا دەيىنگى ءتۇرلى تاسىلدەردى قولدانامىز. الايدا جايىلىمدار، تاۋلى اۋىلدار مەن شالعايداعى كاسىپورىندار سياقتى قولجەتىمدىلىگى كۇردەلى ايماقتار دا بار. ونداعى تۇرعىندار دا ساپالى ينتەرنەتكە قول جەتكىزۋگە ءتيىس. قازىرگى تاڭدا الەمدە بۇعان مۇمكىندىك بەرەتىن تەحنولوگيالار بار. بۇگىنگە دەيىن Starlink ەلىمىزدە تەك مەكتەپتەرگە ينتەرنەت ۇسىنىپ، پيلوتتىق رەجيمدە جۇمىس ىستەپ كەلدى. ال حالىق ءۇشىن ول رەسمي تۇردە قولجەتىمسىز ەدى. ەندى ءبىز كەلىسىمگە كەلدىك، كومپانيا اقپاراتتىق قاۋىپسىزدىك پەن بايلانىس سالاسىنداعى ۇلتتىق زاڭناما تالاپتارىنا ساي جۇمىس ىستەيتىن بولادى. بيىل قاجەتتى جۇمىستار جۇرگىزىلىپ، تۇرعىندار رەسمي ءارى زاڭدى تۇردە سپۋتنيكتىك ينتەرنەتكە قوسىلا الادى»، — دەدى مينيستر جاسلان مادييەۆ.
Starlink جابدىقتارىن زاڭداستىرۋ مەن رەسمي قولدانۋ مارتەبەسىنىڭ ەرەكشە ماڭىزى بار: ەندى ازاماتتار تەرمينالداردى زاڭدى تۇردە ساتىپ الىپ، پايدالانىپ، قازاقستان رەسپۋبليكاسىنىڭ زاڭناماسىنا سايكەس تىركەي الادى.
Starlink سپۋتنيكتىك ينتەرنەتىنە قوسىلۋ ارنايى پايدالانۋشى قۇرىلعىلارى ارقىلى ىسكە اسادى. قازىرگى ۋاقىتتا جەكە پايدالانۋشىلارعا قىزمەت كورسەتۋ ءتارتىبىن قوسا العاندا، تەحنيكالىق جانە ۇيىمداستىرۋشىلىق ماسەلەلەردى كەلىسۋ جۇمىستارى جۇرگىزىلۋدە.
جوبانى ىسكە اسىرۋدىڭ بارلىق كەزەڭدەرى ۇلتتىق زاڭناما تالاپتارىن، سونىڭ ىشىندە قاۋىپسىزدىك تالاپتارىن ساقتاي وتىرىپ جۇرگىزىلەدى.
بۇل باستاما ق ر پرەزيدەنتى قاسىم-جومارت توقايەۆتىڭ قالا مەن اۋىل اراسىنداعى سيفرلىق تەڭسىزدىكتى ازايتۋ جونىندەگى تاپسىرماسىن ورىنداۋ اياسىندا جانە «قولجەتىمدى ينتەرنەت» ۇلتتىق جوباسىنىڭ ماقساتتارىنا سايكەس قولعا الىنۋدا.