بۇگىن «كۆي جۇقتىرعاندار سانىنىڭ وسۋىنە بايلانىستى الماتىداعى ەپيدەميولوگيالىق جاعداي» تاقىرىبىنداعى ونلاين باسپاسوز-كونفەرەنسياسىندا الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين وسىلاي دەدى.
سپيكەردىڭ ايتۋىنشا، ىندەتكە ەڭ كوپ شالدىعاتىندار، ۆيرۋس تاسىمالداۋشىلار 20-39 جاس ارالىعىنداعى ادامدار، دەپ حابارلايدى Almaty-akshamy.kz
«اپتا سايىن اناليز جاساپ وتىرمىز. قازىرگى ىندەتكە شالدىعۋ كورسەتكىشىن ەسەپتەسەك، 36 % جۇمىس ىستەمەيتىندەر، ااق، ج ش س، جك قىزمەتكەرلەرى 19% ، زەينەتكەرلەر 17 %، مەكتەپ وقۋشىلارى 10 %، مەكتەپكە دەيىنگى بالالار 6% بولىپ وتىر. بالالار توپتاسىپ ويناعاندى جاقسى كورەدى عوي، سوندىقتان سانيتارلىق شارالاردى ساقتاماعان جاعدايدا اۋىرىپ قالۋ ءقاۋپى بار. مەن جىلدىڭ باسىندا بالالارعا باعىتتالعان شتامم پايدا بولادى دەپ ايتقانمىن، ەسكەرتۋدى بەكەر جاسامايمىز، ءدال ءقازىر سول كۇن كەلدى. 15-19 جاس ارالىعىنداعى ادامداردا سيمپتومسىز ءوتىپ جاتىر، سوندىقتان ولار اۋىرىپ، وزدەرى بىلمەي ءجۇرۋى دە مۇمكىن»، - دەدى جانداربەك بەكشين.