ەل پرەزيدەنتى قازاقستان حالقىنا ارناعان كەزەكتى جولداۋىندا ۇلت بولاشاعىن نىعايتۋ ءۇشىن بۇقارالىق سپورتتى دامىتۋ قاجەت ەكەنىن باسا ايتقان ەدى. قازىرگى تاڭدا وسى باعىتتاعى جۇمىستاردى جانداندىرۋ مەملەكەت ساياساتىنىڭ باستى باسىمدىعىنىڭ بىرىنە اينالىپ وتىر. ونىڭ ۇستىنە سالاۋاتتى ۇرپاق قالىپتاستىرۋ ءۇشىن بۇقارالىق سپورتتى جانداندىرۋدىڭ قاجەت ەكەنىن ۋاقىتتىڭ ءوزى دە دالەلدەپ وتىر. وسىعان وراي، مەملەكەت باسشىسىنىڭ تاپسىرماسىن ورىنداۋ ماقساتىندا الماتى قالالىق سپورت باسقارماسىنىڭ تىكەلەي قولداۋىمەن تۇركسىب اۋدانىنداعى №211 مەكتەپ-گيمنازيا شاڭىراعىندا ۇلتتىق سپورت تۇرلەرىنەن «Asyk party-2024» اتتى جارىس ءوتتى.
سپورتتىڭ جارىستىڭ اشىلۋ سالتاناتىندا قالالىق دەنەشىنىقتىرۋ ورتالىعىنىڭ ديرەكتورى باقتيار ەلەمەسوۆ ءسوز الىپ، جاس ۇرپاق بويىنا قۇندىلىقتى ءسىڭىرۋدىڭ باستى جولى-،ۇلتتىق ويىنداردى ناسيحاتتاۋ ەكەنىنە توقتالدى.
-قازىرگى تاڭدا ەلىمىزدە سپورتتىڭ دامۋىنا ايرىقشا كوڭىل ءبولىنىپ، بارلىق جاعداي جاسالىپ جاتىر. جاستايىنان سپورتتى سەرىك ەتكەن بالانىڭ بولاشاقتا جات ۇىلىقتان اۋلاق، دەنى ساۋ بولىپ وسەتىنىن ءومىردىڭ ءوزى دالەلدەپ وتىرعان جوق پا؟ ءبىزدىڭ قالامىزدا سپورتپەن اينالىسام دەگەن ادامعا بارلىق جاعداي بار. تاۋعا شىعىپ، شاڭعى تەبۋگە، تومەنگە ءتۇسىپ كونكي تەبۋگە بولادى. سپورت سارايلارى، ويىن الاڭدارى قانشاما؟ تەك ۋاقىت ءبولىپ، سپورتپەن دوستاسا ءبىلۋ كەرەك. ۇيىمداستىرىلىپ وتىرعان شارانىڭ ماقساتى دا وسى،-دەگەن ورتالىق ديرەكتورى سپورتشىلاردى بيىككە باستاعان دودا جالعاساتىنىن جەتكىزدى.
ۇلتتىق سپورتتى ناسيحاتتاۋ ماقساتىندا وتكىزىلىپ وتىرعان دوداعا اۋداننىڭ بارلىق ءبىلىم مەكەمەلەرى قاتىسىپ، جارىس كورىگىن قىزدىردى. سپورتتىق جارىسقا قاتىسۋشىلار «اسىق اتۋ»، «تىماق ۇرۋ»، «ارقان تارتىس»، «بۇقا تارتىس»، «بەستەمشە» سىندى ۇلتتىق سپورت تۇرلەرىنەن جارىسقا ءتۇسىپ، بەلسەندىلىك تانىتتى.
-سپورتتىق جارىسقا دايىندىق بارىسىندا وقۋشىلاردىڭ ەرەكشە قىزىعۋشىلىعىن بايقادىم. سوندىقتان، ءاربىر مەرەكە اياسىندا وسىنداي ۇلكەن جارىستار وتكىزۋدى ۇردىسكە اينالدىرساق پا دەپ وتىرمىز. وسى بالالاردىڭ اراسىندا ەرتەڭگى ەل نامىسىن قورعايتىن اتاقتى سپورتشىلاردىڭ جۇرمەسىنە كىم كەپىل؟-دەيدى مەكتەپ باسشىسى ايجان قاسىموۆا.
ۇلتتىق سپورت جارىسىنىڭ قورتىندىسى بويىنشا №59 مەكتەپتىڭ «التىن ساقا» كومانداسى-ى ورىن، №162 مەكتەپتىڭ «قىران» كومانداسى ءىى-ورىن، №198 مەكتەپتىڭ «سۇڭقار» كومانداسى ءىىى-ورىندى يەلەندى، «Asuk Party» ەستافەتاسىن №59 مەكتەپ-گيمنازيا جەڭىپ الدى. 