Дінмұхамед Қонаевтың қарындасы, биология ғылымына елеулі үлес қосқан ғалым Рауза Қонаева 92 жасқа қараған шағында өмірден өтті, - деп хабарлайды aqshamnews.kz тілшісі.
Қаралы хабарды Д.А. Қонаев атындағы Халықаралық қор мәлімдеген. Рауза Меңліахмедқызы 1934 жылы Алматы облысындағы Шелек ауылында дүниеге келген. Ол Қонаевтар әулетінің он бірінші, яғни кенже қызы болған.
Рауза Қонаева Мәскеу мемлекеттік университетінде білім алған. Еңбек жолының негізгі бөлігін Қазақстан Ғылым академиясы жүйесіндегі биохимия және молекулалық биология бағытындағы институттарда өткізді. Оның зерттеулері халықаралық ғылыми қауымдастық тарапынан мойындалып, шетелдік мамандардың да жоғары бағасына ие болған.
Ғалым белгілі құқықтанушы Мұрат Баймахановпен шаңырақ көтерген. Олардың қызы Дана Баймаханова – заң ғылымдарының докторы, әл-Фараби атындағы ҚазҰУ-дың профессоры.