Zúlfıya Bolatqyzy Súleımenova 1990 jylǵy 25 aqpanda Aqtóbe qalasynda dúnıege kelgen, - dep habarlaıdy Aqshamnews.kz.
Ol 2012 jyly L.N. Gumılev atyndaǵy Eurazıya ūlttyq unıversıtetín «Halyqaralyq qatynastar» mamandyǵy boıynsha támamdady. 2014 jyly halyqaralyq qatynastar magıstrí dárejesín aldy. 2016 jyldan bastap Japonıyanyń Ūlttyq sayası zertteuler ınstıtutynda (GRIPS) PhD doktorantura baǵdarlamasy boıynsha bílím alǵan.
Eńbek jolyn 2013 jyly bastaǵan.
2014 jyldan bastap QR Prezıdentí janyndaǵy Qazaqstan strategıyalyq zertteuler ınstıtutynda (QSZI) syrtqy sayasat jáne halyqaralyq qauípsízdík bólímíníń ǵylymı qyzmetkerí bolyp jūmys ístedí.
2015–2017 jyldary BŪŪ Azıya jáne Tynyq mūhıty úshín ekonomıkalyq jáne áleumettík komıssıyasynda (ESKATO) qorshaǵan orta jáne damu, energetıka, makroekonomıkalyq sayasat jáne damu qarjylandyru bólímderínde qyzmet atqardy (Bangkok, Taıland).
2019 jyldan bastap BŪŪ Damu baǵdarlamasynda (BŪŪDB) Túríkmenstan men Qazaqstandaǵy jobalarǵa, sondaı-aq ESKATO-nyń qorshaǵan orta jáne damu bólímíníń jūmysyna qatysqan.
2019 jyly Prezıdenttík jastar kadr rezervíne endí.
2020 jyldan – QR Ekologıya, geologıya jáne tabıǵı resurstar mınıstrlígíníń klımattyq sayasat jáne jasyl tehnologıyalar departamentí dırektorynyń orynbasary.
2021–2022 jyldary – VII shaqyrylymdaǵy Májílís deputaty, Halyqaralyq íster, qorǵanys jáne qauípsízdík komıtetíníń múshesí.
2022 jylǵy nauryzdan – QR Ekologıya, geologıya jáne tabıǵı resurstar vıtse-mınıstrí.
2023 jylǵy qańtardan qyrkúıekke deıín – QR Ekologıya jáne tabıǵı resurstar mınıstrí.
2023 jylǵy qyrkúıekten 2025 jylǵy qyrkúıekke deıín – Qazaqstan Prezıdentíníń halyqaralyq ekologıyalyq yntymaqtastyq jóníndegí arnaıy ókílí qyzmetín atqardy.
