Oqıǵa faktísí boıynsha qylmystyq ís qozǵaldy, dep habarlaıdy aqshamnews.kz tílshísí.
Qazaqstan Respublıkasy Premer-Mınıstríníń orynbasary Qanat Bozymbaevtyń tóraǵalyǵymen qūrylǵan Úkímettík komıssıyanyń tapsyrmasy boıynsha Kaspıı teńízíníń akvatorıyasynda táulík boıy úzdíksíz ízdestíru-qūtqaru operatsıyasy júrgízílude.
Ízdestíru-qūtqaru jūmystaryna oqıǵa ornynda tíkeleı basshylyqty Qorǵanys mınıstrí avıatsıya general-leıtenanty Dáuren Qosanov júzege asyruda. Qūrylǵan jedel shtabtyń qūramyna Qorǵanys mınıstrlígíníń, ŪQK Shekara qyzmetíníń, Tótenshe jaǵdaılar mınıstrlígíníń, Íshkí íster mınıstrlígíníń, sondaı-aq Mańǵystau oblysynyń jergílíktí atqarushy organdarynyń ókílderí kírdí.
Auqymdy ízdestíru-qūtqaru operatsıyasyna 252 áskerı qyzmetshí men qyzmetker, 34 bírlík arnaıy jerústí tehnıkasy, 37 áskerı súńguír, 14 keme men kater, sondaı-aq 4 tíkūshaqty qosa alǵanda, 20-dan astam áue kemesí jūmyldyryldy. Vedomstvolardyń kúshterí men qūraldarymen su aıdyny, jaǵalau aımaǵy jáne oǵan írgeles aumaqtar áueden úzdíksíz baqylanyp, tekserílude.
Oqıǵa faktísí boıynsha qylmystyq ís qozǵaldy. Arnaıy komıssıya oqıǵanyń barlyq sebepterí men mán-jaılaryn anyqtau maqsatynda tergeu ís-sharalaryn júrgízude. Qaza bolǵandardyń otbasylaryna jáne zardap shekken áskerı qyzmetshílerge qajettí materıaldyq jáne psıhologıyalyq kómek kórsetíledí.
Eske sala keteıík, oqu-jauyngerlík tapsyrmany oryndau barysynda aua raıynyń kenetten árí kúrt nasharlap, jeldíń ekpíní kúsheyuíne baılanysty ashyq teńízge 17 áskerı qyzmetshíní alyp ketken bolatyn. Jedel qabyldanǵan sharalardyń nátıjesínde úsh áskerı qyzmetshí qūtqaryldy, taǵy ekeuín ízdeu jūmystary jalǵasuda. Ókíníshke qaraı, 12 áskerı qyzmetshí qaza tapty.