Qasym-Jomart Toqaev «Qazaqstan – Qytaı» ınvestıtsıyalyq forumy ayasynda beınebaılanys rejımí arqyly Jambyl oblysynda júgeríní tereń óńdeu boıynsha ónerkásíp parkí qūrylysyn bastauǵa rūqsat berdí, – dep habarlaıdy aqshamnews.kz tílshísí.
Jobany álemdegí bıologıyalyq ashytu salasy kóshbasshylarynyń bírí – qytaılyq Fufeng Group kompanıyasy íske asyrady. Óndírístík keshendí ınvestıtsıyalaudyń alǵashqy kezeńíne 350 mıllıon dollar jūmsaldy. Kásíporyn jylyna 500 myń tonnaǵa deıín júgerí óńdeı alady.
Ekínshí kezeńde kásíporynnyń júgerí óńdeu quatyn jylyna 3 mıllıon tonnaǵa deıín ūlǵaıtu jáne shyǵarylatyn óním túrlerín arttyru qarastyrylǵan. Būl kezeńdegí ınvestıtsıyanyń jalpy kólemí 1,15 mıllıard dollardy qūraıdy. 
Ónerkásíp parkín qūru 1,5 myńǵa juyq jūmys ornyn ashuǵa jáne elímízde júgerí dánín tereń óńdeu boıynsha tolyq óndírístík tsıkldí qalyptastyruǵa múmkíndík beredí.
Sonymen qatar auyl sharuashylyǵy shıkízatyn tereń óńdeudí ílgeríletuge, Qytaımen ónerkásíptík yntymaqtastyqty keńeıtuge, sondaı-aq otandyq agroónerkásíp salasynyń eksporttyq áleuetín nyǵaıtuǵa septígín tıgízedí.
Toqaev Jambyl oblysyndaǵy júgerí óńdeu zauytyn íske qosu rásímíne qatysty
