Olardyń barlyǵy uaqytsha ūstau ızolyatoryna qamaldy, dep habarlaıdy aqshamnews.kz tílshísí.
Áskerı qyzmetshílerdíń qaza boluyna qatysty ís boıynsha Qorǵanys mınıstrlígí júıesínen bes lauazymdy tūlǵa ūstaldy
Qyzmetke salǵyrt qarau jáne korabl júrgízu qaǵıdalaryn būzu boıynsha auyr zardaptarǵa ákep soqqan qylmystyq qūqyq būzushylyqtar jasady degen kúdíkpen Qazaqstan Respublıkasy Qaruly Kúshteríníń joǵary jáne aǵa komandalyq qūramyndaǵy jauapty lauazymdy tūlǵalar ūstaldy.
Ūstalǵandardyń qatarynda QR QK Áskerı-teńíz kúshterí Bas qolbasshysynyń bírínshí orynbasary - shtab bastyǵy, ekí áskerı bólímníń komandırí, sondaı-aq teńíz jayau áskerlerí rotasynyń jáne «Qaısar» kateríníń komandırlerí bar.
Olardyń barlyǵy kúdíktí dep tanylyp, Aqtau qalasy polıtsıya basqarmasynyń uaqytsha ūstau ızolyatoryna qamaldy.
«Hazar Qorǵany – 2026» oqu-jattyǵuy kezínde áskerı qyzmetshílerdíń qaza bolu faktísí boıynsha ÍÍM-níń áskerı-tergeu bólímshesí sotqa deıíngí tergep-tekseru júrgízude.
24 qyrkúıekte Kaspıı teńízíníń jaǵalauynda, Aqtau qalasynan 43 shaqyrym jerde oqu-jattyǵu barysynda «Qaısar» katerínen jeke qūramdy túsíru kezínde qolaısyz meteorologıyalyq jaǵdaıda áskerı qyzmetshílerdí teńíz aǵysy alyp ketkení anyqtaldy.
Tergeu barysynda oqu-jauyngerlík míndettí ūıymdastyru jáne oryndau kezínde sheshímderdíń qabyldanu mán-jaılary, qauípsízdík talaptarynyń saqtaluy, gıdrometeorologıyalyq jaǵdaıdyń eskeríluí, katerdíń tehnıkalyq jaı-kúıí, sondaı-aq oqu-jattyǵudy ótkízuge jáne jeke qūramnyń qauípsízdígíne jauapty lauazymdy tūlǵalardyń áreketterí zerdelenude.
Qajettí tergeu jáne protsestík ís-sharalar júrgízílude. Barlyq kúdíktí tūlǵalardyń áreketteríne zańda belgílengen tártíppen qūqyqtyq baǵa beríledí.
Sotqa deıíngí tergep-tekseru barysy Qazaqstan Respublıkasy Íshkí íster mınıstrlígí men Bas prokuraturasynyń erekshe baqylauynda.