Íshkí íster mınıstrlígí kólíktí tírkeu jáne júrgízushí kuálígín alu emtıhandaryna qatysty qaǵıdalarǵa ózgeríster ázírledí, – dep habarlaıdy aqshamnews.kz tílshísí.
Jańa tártíp artyq rásímderdí azaıtyp, memlekettík qyzmetterdí jeńíldetuge baǵyttalǵan.
Emtıhan tapsyru tártíbíndegí negízgí ózgeríster:
Bírínshí ret óte almasańyz, emtıhandy kelesí jūmys kúní qaıta tapsyruǵa bolady.
Ekínshí ret te sátsíz bolsańyz, kelesí emtıhanǵa daıyndalu úshín 10 kún beríledí.
Teorıyalyq nemese praktıkalyq emtıhannan úsh ret óte almasańyz, keıíngí qaıta tapsyru aqyly bolady.
Teorıyadan ótken nátıje saqtalady. Yaǵnı teorıyalyq emtıhannan ótíp, praktıkalyq bólímnen óte almasańyz, teorıyany qaıta tapsyrudyń qajetí joq.
Kólík qaıta jabdyqtalǵan jaǵdaıda, ony bólek teksertu talap etílmeıdí. Ózgerístíń qauípsízdígín rastaıtyn qūjat jetkílíktí bolady.
Sheteldík júrgízushí kuálígín auystyru tártíbí de naqtylandy.
Sheteldík kuálíktí Qazaqstannyń júrgízushí kuálígíne auystyru úshín aldymen teorıyalyq emtıhan tapsyru qajet. Sonymen qatar uákílettí organ kuálíktí bergen elge resmı sūrau joldaıdy. Qūjattyń túpnūsqalyǵy rastalǵannan keıín ǵana kuálík auystyrylady.