Prezıdent Qasym-Jomart Toqaev «Atletıko Madrıd» futbol klubymen tabysty yntymaqtastyqty joǵary baǵalap, Mıgel Anhel Hıl Marınníń Qazaqstanǵa sapary seríktestíktí jańa deńgeıge kóteruge múmkíndík beretínín atap óttí, – dep habarlaıdy aqshamnews.kz tílshísí.
Memleket basshysynyń aıtuynsha, Qazaqstan zamanauı futbol ınfraqūrylymyna, jattyǵu bazasyna jáne jas oıynshylardy dayarlau baǵdarlamasyna belsendí túrde ınvestıtsıya qūıyp jatyr. Sonymen qatar eldegí futbol klubtaryn jekeshelendíru úderísí jalǵasuda.
Būdan bólek, Prezıdent FIFA-men bírge barlyq óńírde balalarǵa arnalǵan 100-den astam jańa futbol alańyn salu jūmystary qolǵa alynǵanyna nazar audardy.
Áńgímelesu barysynda Qasym-Jomart Toqaev Ispanıya qūramasy men ıspanıyalyq futbol mektebíníń jetístíkteríne aıryqsha toqtalyp, osy ozyq tájírıbení tereń zerdeleuge jáne ony qazaqstandyq daryndy oıynshylardyń jańa buynyn tárbıeleu ísínde paıdalanuǵa múddelí ekenímízdí atap óttí.
«Atletıko Madrıd» klubynyń bas dırektory elímízde futboldy qoldauǵa erekshe nazar audarǵany úshín Prezıdentke rızashylyǵyn jetkízdí.
Ol Almaty oblysyndaǵy «Atletıko Madrıd» akademıyasynyń ınfraqūrylymy turaly oń píkír bíldíríp, onyń keleshekte futbolǵa arnalǵan úzdík oqu-jattyǵu keshenderíníń bírí bolatynyn aıtty.