Respublıka kúní qarsańynda Qazaq-Amerıka unıversıtetínde (KAU) belgílí etnofotosuretshí Ońǵarbek Alqarovtyń kórmesí ashyldy. Kórme Temírbek Júrgenov atyndaǵy Qazaq ūlttyq óner akademıyasynyń qoldauymen ūıymdastyryldy, – dep habarlaıdy aqshamnews.kz tílshísí.
Kórmeníń ashyluynda KAU prezıdentí Asylbek Isahov pen kórme avtory sóz sóılep, mádenı mūrany saqtaudyń, ūlttyq dástúrlerdí qūrmetteudíń jáne jastardyń boıynda otansúıgíshtík sezímín qalyptastyrudyń mańyzyn atap óttí.
Ońǵarbek Alqarov – etnofotosuretshí, Temírbek Júrgenov atyndaǵy Qazaq ūlttyq óner akademıyasynyń «Kıno jáne televızıya» fakultetíníń aǵa oqytushysy. Kórmege qazaq mádenıetíníń baılyǵyn, ruhanı qūndylyqtary men ǵasyrlar boıy qalyptasqan salt-dástúrlerín beıneleıtín fotosuretter qoıyldy. Avtor kóshpelí órkenıet kórínísterí, ūlttyq ádet-ǵūryptar men dástúrlí tūrmys erekshelíkterí arqyly tarıh pen búgíngí ómírdíń sabaqtastyǵyn kórsetedí.
Respublıka kúníne arnalǵan kórmeníń basty maqsaty – jas ūrpaqty eldíń mádenı mūrasymen tanystyru, ūlttyq maqtanysh sezímín nyǵaıtyp, halyq tarıhyna degen qyzyǵushylyǵyn arttyru.
Etnofotokórme unıversıtette 21–27 qazan aralyǵynda ótetín Kazakhstan Week aptalyǵynyń alǵashqy ís-sharasy boldy. Ūlttyq mádenıetke, dástúr men bírlíkke arnalǵan aptalyq baǵdarlamasyna Respublıka kúníne oraı merekelík kontsert, ūlttyq oıyndar, kıno keshí, taqyryptyq zıyatkerlík saıystar jáne basqa da ís-sharalar engízílgen.
Aldaǵy uaqytta da oqu orny mádenı bastamalarǵa basymdyq beríp studentterdíń shyǵarmashylyq jūmystarynyń kórmelerín ūıymdastyrudy josparlap otyr.