Alańǵa 300-ge juyq jas pedagog jınaldy, dep habarlaıdy aqshamnews.kz tílshísí.
Oqu-aǵartu mınıstrí Jūldyz Súleımenova NZM Pedagogıkalyq sheberlík ortalyǵy ūıymdastyrǵan «STEM. AI. Innovation» halyqaralyq konnektíne qatysushylarmen kezdestí. Alańǵa Qazaqstannyń barlyq óńírínen, sondaı-aq Qytaı, Qyrǵyzstan jáne Ózbekstannan 300-ge juyq jas pedagog jınaldy.
Kezdesu barysynda mūǵalímder jańa oqu jylynda bílím beru salasyna engízíletín ózgeríster men jańashyldyqtar, oqu úderísínde STEM tásílderí men jasandy ıntellekt múmkíndíkterín qoldanu, sondaı-aq kásíbı damu máselelerí boıynsha sūraqtar qoıdy. Mınıstr jas ūstazdardyń sūraqtaryna jauap beríp, olardyń ūsynystary men píkírlerín tyńdady.
Memleket basshysy Qasym-Jomart Toqaevtyń bílím beru júıesín jańǵyrtu jáne tsıfrlandyru jóníndegí tapsyrmalaryna toqtalǵan mınıstr jas pedagogterdíń úzdíksíz ízdenuí, jańa tehnologıyalardy meńgeruí jáne tájírıbe almasuy bílím sapasyn arttyruda mańyzdy ról atqaratynyn atap óttí.
Jas pedagogter jasandy ıntellekt qūraldary men zamanauı bílím beru modelderín sabaqta qoldanudyń tıímdí joldaryn talqylap, qazaqstandyq jáne halyqaralyq sarapshylarmen tájírıbe almasty.
