Būqaralyq jáne kásípqoı basketboldy ílgeríletuge aıryqsha nazar audaryldy, dep habarlaıdy aqshamnews.kz tílshísí.
Táuelsízdík saraıynda Qasym-Jomart Toqaev Halyqaralyq basketbol federatsıyasynyń prezıdentí Saud Alı Ál-Tánımen kezdesu ótkízdí.
Áńgímelesu barysynda Prezıdent FIBA-nyń otandyq basketbolǵa kórsetken qoldauyn joǵary baǵalap, Saud Alı Ál-Tánıge Qazaqstan Ūlttyq basketbol federatsıyasynyń otyrysyna qatysqany úshín rızashylyǵyn bíldírdí.
Memleket basshysy bıyl otandyq basketbol tarıhyna 100 jyl tolyp otyrǵanyn, osy oraıda, balalar men jastardyń yqylasy auǵan basketbol tanymal sport túrleríníń qataryna engenín atap óttí.
Sonymen qatar Qazaqstannan halyqaralyq deńgeıde, sonyń íshínde álem chempıonattary men Olımpıada oıyndarynda óner kórsetken kórnektí basketbolshylar shyqqanyn aıtty.
Qasym-Jomart Toqaev elímízde keleshegí zor baǵyt retínde 3×3 formatyndaǵy basketbolǵa qyzyǵushylyq arta bastaǵanyna toqtaldy.
Kezdesude būqaralyq jáne kásípqoı basketboldy ílgeríletuge, sporttyq rezerv dayarlauǵa, bírlesken jobalardy íske asyruǵa aıryqsha nazar audaryldy.
Federatsıya prezıdentí Memleket basshysyna elímízde atalǵan sport túríne qoldau kórsetkení úshín shynaıy rızashylyǵyn bíldíríp, Ūıymnyń basketboldy odan árí dárípteuge baǵyttalǵan josparymen bólístí.