Jańa qalashyqta Ūlttyq ūlan áskerı qyzmetshíleríne arnalǵan ákímshílík ǵımarattar men tūrǵyn úıler salynady, – dep habarlaıdy aqshamnews.kz tílshísí.
Sonymen qatar áskerı tehnıkalarǵa arnalǵan tūraqtar, qoımalar jáne ınjenerlík nysandar boı kóteredí.
Almatynyń «Samǵau» yqsham audanynda jańa áskerı qalashyq salynyp jatyr. Nysan shamamen 27 gektar aumaqty alyp jatyr. Qūrylys barysyn Íshkí íster mınıstríníń orynbasary – Ūlttyq ūlannyń Bas qolbasshysy, general-leıtenant Ańsaǵan Baltabekov tekserdí.
Joba ayasynda kınologıyalyq qalashyq ta qarastyrylǵan. Onda qyzmettík ıtterdí úıretedí jáne kınologıyalyq bólímsheler jūmys ísteıdí. Qalashyqqa qajettí ınjenerlík jelíler men kommunıkatsıyalar da tartylady.
Yaǵnı jańa nysan áskerı bólím ornalasatyn aumaq qana emes, áskerı qyzmetshílerdíń tūruy men qyzmet atqaruyna qajettí ınfraqūrylymy bar tolyqqandy áskerı qalashyq bolady.
Qūrylys jūmystaryn 2027 jyldyń sońyna deıín ayaqtau josparlanǵan. Nysan paıdalanuǵa berílgennen keıín Ūlttyq ūlannyń Almatydaǵy materıaldyq-tehnıkalyq bazasyn kúsheıtuge múmkíndík beredí.