Qazaqstan Respublıkasynyń Premer-mınıstrí Oljas Bektenov Presight AI halyqaralyq kompanıyasynyń bas dırektory Tomas Pramotedhammen kezdesu ótkízdí, dep habarlaıdy aqshamnews.kz tílshísí.
Onda jasandy ıntellekt jáne tsıfrlyq ınfraqūrylym salasyndaǵy yntymaqtastyq, Smart City jobalaryn júzege asyru, kólíktík tsıfrlyq júıeler men derekterdí saqtau jáne óńdeu ınfraqūrylymyn damytu máselelerí talqylandy.
Presight AI kompanıyasy halyqaralyq G42 tobyna kíredí jáne jasandy ıntellekt pen úlken derekterdí taldau salasynda qoldanbaly sheshímder ázírleuge mamandanǵan. Kompanıyanyń qatysuymen Astanada Smart City jobasy júzege asyryldy, Alem.Cloud ūlttyq superkompyuterlík ınfraqūrylymy qūryldy.
Kezdesu barysynda kólík salasyna tsıfrlyq sheshímderdí odan árí engízu, Astana halyqaralyq áuejaıynyń ıntellektualdyq ınfraqūrylymyn damytu boıynsha ózara ís-qımyl perspektıvalary aıqyndaldy. Qalalyq basqarudyń tıímdílígín, servısterdíń qauípsízdígí men sapasyn arttyru, sondaı-aq otandyq tehnologıyalyq saraptama men kadrlyq áleuettí damytu úshín jasandy ıntellekt tehnologıyalaryn qoldanu múmkíndíkteríne nazar audaryldy.
Oljas Bektenov Qazaqstan tsıfrlyq transformatsıyanyń jańa kezeńíne ótíp jatqanyn atap óttí. Memleket basshysy Qasym-Jomart Toqaev 2026 jyldy Tsıfrlandyru jáne jasandy ıntellekt jyly dep jarıyalady. Elímízde ūzaqmerzímdí jáne tehnologıyalyq ınvestıtsıyalar tartu úshín qolaıly jaǵdaılar jasalǵan. Investorlarǵa memlekettík qoldau sharalary, salyqtyq jáne kedendík preferentsıyalar qoljetímdí, Altyn Visa arnaıy vızalyq rejımí engízílude, jobalardy súıemeldeu «bír tereze» qaǵıdaty boıynsha júzege asyrylady.
Tomas Pramotedham Presight AI kompanıyasy Qazaqstandaǵy qyzmetín keńeıte túsuge, jańa bírlesken jobalardy júzege asyruǵa daıyn ekenín atap óttí. Kompanıya qoldanbaly jasandy ıntellekt, tsıfrlyq ınfraqūrylym jáne ekonomıkanyń negízgí salalaryna tehnologıyalyq sheshímderdí engízu salalarynda yntymaqtastyqty odan ary damyta bermek.
Kezdesu qorytyndysy boıynsha bolashaqtaǵy yntymaqtastyqtyń basym baǵyttary aıqyndaldy.