Jobaǵa Su resurstary jáne ırrıgatsıya mınıstrlígí bastama jasaǵan, – dep habarlaıdy aqshamnews.kz tílshísí.
Ony «Su resurstarynyń aqparattyq-taldau ortalyǵy» KEAQ Oqu-aǵartu mınıstrlígí jáne Astana qalasynyń ákímdígímen bírlesíp júzege asyryp jatyr. Jobaǵa «Chevron» jáne «Coca-Cola» kompanıyalary, «Caravan of Knowledge» korporatıvtík qory jáne «TANYM» kópfunktsıonaldy keshení seríktes retínde qatysuda. Semınarǵa elordanyń 20 tírek mektebí dırektorynyń tárbıe jūmysy jáne beıíndík oqytu jóníndegí orynbasarlary qatysty.
Zerthanada oqushylar zertteuler men tájírıbeler júrgízíp, STEAM-jobalar ázírleıdí jáne su únemdeu salasyndaǵy óz sheshímderín synaqtan ótkízedí.
Zerthananyń ádístemelík negízí «Su jáne bílím» jobasy ayasynda ázírlengen «Su sandyǵy» resursy bolady. Joba barysynda su salasyndaǵy bílím beru men aǵartu baǵytyndaǵy ozyq tájírıbeler jınaqtaldy. Joba Frantsuz damu agenttígíníń (AFD), Halyqaralyq Araldy qūtqaru qorynyń (HAQQ) jáne YuNISEF-tíń qoldauyna ıe boldy.
«Oqushylardyń su turaly bílím alyp qana qoımaı, ony ís júzínde qoldana aluy mańyzdy. Yaǵnı zertteu júrgízíp, tájírıbe jasap, óz sheshímderín ūsyna bíluí kerek. «Su sandyǵy» men AQUA LAB bírín-bírí tolyqtyrady: resurs pedagogterge ádístemelík qūraldar ūsynsa, zerthana oqushylardyń praktıkalyq jūmys júrgízuíne múmkíndík beredí», – dedí Su resurstary jáne ırrıgatsıya vıtse-mınıstrí Talǵat Momyshev.
Semınar qorytyndysy boıynsha bílím beru tájírıbelerín synaqtan ótkízuge, sondaı-aq bírlesken zertteu jáne ekologıyalyq jobalardy júzege asyruǵa qatysatyn elordalyq mektepterdíń pulyn jasau josparlanyp otyr.