Prezıdent tapsyrmalary júzege asyryluda, dep habarlaıdy aqshamnews.kz tílshísí.
Memleket basshysy Qasym-Jomart Toqaevtyń tapsyrmalaryn júzege asyru ayasynda elímízdíń óńírlerínde auyl sharuashylyǵy shıkízatyn qaıta óńdeudí tereńdetu, kólík jáne kommunaldyq ınfraqūrylymdy jańǵyrtu, azamattardy qoljetímdí baspanamen qamtamasyz etu boıynsha júıelí jūmystar júrgízílude.
Ótken aptada kelesídeı óndíríster, kólík jáne áleumettík ınfraqūrylym nysandary íske qosyldy:
Qyzylordada halyqtyń áleumettík osal sanattarynyń íshínde kezekte tūrǵandarǵa 90 páterdíń kíltí tabystaldy. 4 jyl íshínde óńírde 30 myńnan astam kezekte tūrǵandar tūrǵyn úımen qamtamasyz etíldí, 2026-2027 jyldary 25 myń adamǵa 62 myńnan astam páter tapsyru josparlanuda.
Aqmola oblysynyń Arshaly kentínde mūqtajdar sanatyndaǵy 47 otbasy jańa 100 páterlí úıden páter aldy.
Aqtóbe oblysynyń Jabasaq auylyna kógíldír otyn keldí. 43 shaqyrymdyq negízgí qūbyr jáne 12,6 shaqyrymdyq kentíshílík gaz qūbyry tartylyp, bes júzden astam tūrǵyn gazǵa qol jetkízdí.
Kólík ınfraqūrylymy
Arqalyqta 30 jyldan keıín qala áuejaıy keń auqymdy rekonstruktsıyadan ótkízílgennen keıín tūraqty áue qatynasy qaıta jandandy. Aptasyna 2 ret Astana – Arqalyq; Almaty – Arqalyq; Qostanaı – Arqalyq baǵyttary boıynsha reıster íske qosyldy.
Pavlodar áuejaıynda ūshu-qonu jolaǵyn rekonstruktsıyalau ayaqtaldy. Zamanauı áue kemelerín qabyldau úshín ūshu-qony jolaǵy 45 metrden 60 metrge deıín keńeıtíldí. Subsıdıyalanatyn Astana-Pavlodar baǵyty íske qosyldy. 1 qyrkúıekte kúndelíktí Pavlodar-Almaty jáne Pavlodar-Novosíbír reısterí qaıta qatynaı bastaıdy.
Temírjol vokzaldaryn jańǵyrtudyń jalpy respublıkalyq baǵdarlamasy ayasynda taǵy ekí írí nysanda jūmystar ayaqtaldy. Búgíngí tańda Qazaqstanda 74 vokzal salyndy jáne rekonstruktsıyalandy:
Aqtóbede jalpy audany 7 myń sharshy metrden astam temírjol vokzaly jańartylyp, qaıta ashyldy. Keshen táulígíne 6 myńǵa juyq jolaushyǵa qyzmet kórsete alady. Ǵımaratta qasbet, shatyr, kútu zaldary, jeldetu jáne auany baptau júıelerí jańartyldy, platforma jańa qalqa shatyrlarmen jabylyp, qauípsízdík júıelerí íske qosyldy jáne múmkíndígí shekteulí azamattar úshín jaǵdaı jasaldy.
Qostanaı oblysynda Tobyl stansasynyń temírjol vokzalynyń ǵımaratyna júrgízílgen rekonstruktsıya jūmystary ayaqtaldy. Stansa táulígíne 2 jolaushy platformasyna jáne 13 jūp poıyzǵa qyzmet kórsetedí, ortasha táulíktík jolaushylar aǵyny – shamamen 235 adam.
Aqtóbe oblysynyń Oıyl audanynda 2024 jylǵy su tasqyny kezínde qıraǵan Oıyl auylyna baratyn avtojol boıyndaǵy 280 metrlík kópír paıdalanuǵa beríldí. Nysan «Batys Qazaqstan – Ońtústík Qazaqstan» tranzıttík dálízíne kíredí.
Tamaq ónerkásíbí
Qostanaı oblysynda «Bayan Sūlu» fabrıkasynyń «Kondıterlík astana» atty keshení íske qosyldy. Quaty jylyna 16,6 myń tonna óním óndíruge jetetín joba Prezıdent Qasym-Jomart Toqaevtyń auyl sharuashylyǵy shıkízatyn qaıta óńdeu úlesín 70%-ǵa deıín jetkízu jóníndegí tapsyrmasy sheńberínde júzege asyryldy. Osylaısha kásíporynnyń jalpy quaty jylyna 85 myńnan 101 myń tonnaǵa deıín artyp otyr.