Qolmen óńdeu kólemín azaıtady jáne jekelegen qyzmetterdí kórsetu merzímín ekí kúnnen 10 mınutqa deıín qysqartady, dep habarlaıdy aqshamnews.kz tílshísí.
Jasandy ıntellekt qazírdíń ózínde áleumettík qorǵaudyń negízgí protsesterínde qoldanylady. Būl turaly Úkímet otyrysynda QR eńbek jáne halyqty áleumettík qorǵau mınıstrí Asqarbek Ertaev málímdedí.
Mınıstrlík áleumettík-eńbek salasyna tsıfrlandyru men jasandy ıntellekt tehnologıyalaryn júıelí túrde engízude. Negízgí maqsat – memlekettík kórsetíletín qyzmetterdí azamattar úshín jyldam, jeńíl jáne qoljetímdí deńgeıíne jetkízu. Negízgí basymdyq ótínísh bíldíru qaǵıdatynan proaktıvtí modelge kóshuge beríldí. Būl model ayasynda memleket azamattyń qoldauǵa qajettílígín aldyn ala anyqtap, oǵan qajettí nátıjege qol jetkízgenge deıín súıemeldeıdí.
«Negízgí jobalardyń bírí Áleumettík qorǵaudyń bíryńǵaı tsıfrlyq platformasyn engízu. Júıe óńírler bólínísínde qoldau sharalaryn taǵaıyndau, sheshím qabyldau jáne qarajat tóleu protsesterín bíríktíredí. Būryn azamat memlekettík organdarǵa júgíníp, rastaıtyn qūjattardy jınaıtyn jáne olardyń tekseríluín kútuge májbúr bolatyn. Endí bír ǵana ótínísh beru jetkílíktí: qajettí málímetterdí platforma memlekettík aqparattyq júıelerden alady, sodan keıín sheshím qalyptastyrylyp, tólem qamtamasyz etíledí. Bıyl mausym aıynan bastap platforma elímízdíń barlyq 20 óńírínde ónerkásíptík paıdalanuǵa engízíldí. Platforma arqyly jergílíktí atqarushy organdar kórsetetín 13 qoldau sharasy tsıfrlyq formatta ūsynylady», — dedí Asqarbek Ertaev.
Osy jylǵy tamyzdan bastap jergílíktí atqarushy organdar kórsetetín memlekettík qoldaudyń bírjolǵy sharalary jasandy ıntellektíníń kómegímen taǵaıyndalady. Júıe áleuettí alushylardy aldyn ala anyqtaıdy jáne taǵaıyndau jobasyn qalyptastyrady. Tólemdí júzege asyru turaly túpkílíktí sheshímdí jergílíktí atqarushy organ qabyldaıdy. Qyrkúıek aıynda eGovMobile arqyly ótíníshter berudí qamtamasyz etu josparlanuda. Qazan aıynda memlekettík qoldau sharalaryn ataulylyǵy men mūqtajdyq deńgeıín eskere otyryp, nysanaly túrde taǵaıyndau úshín jasandy ıntellektíní engízu josparlanyp otyr.
Mınıstrlík jūmyspen qamtu salasynda Tsıfrlyq jūmyspen qamtu qyzmetín engízíp jatyr. Maqsaty – jūmyspen qamtudy proaktıvtí qamtamasyz etuge kóshu. Jańa modeldíń negízgí qaǵıdaty: jūmysty adam ízdemeıdí, jūmys adamdy ózí tabady.
Būǵan deıín azamat portaldan bos jūmys oryndaryn óz betínshe ízdep, mansap ortalyǵyna baratyn. Endí júıe jūmys berushílerdíń ótínímderí negízínde jūmysqa mūqtaj azamattardy avtomatty túrde anyqtaıdy. Sodan keıín olarǵa eGov jáne Enbek.kz mobıldí qosymshalary arqyly nemese 1414 nómírínen SMS túrínde tıístí habarlamalar jíberedí.
Jasandy ıntellekt azamattyń jeke erekshelíkterín eskere otyryp, óńír íshínde de, odan tys jerde de, sheteldegí bos jūmys oryndaryn qosa alǵanda, personaldandyrylǵan jūmys oryndaryn íríkteıdí. Sonymen qatar azamattarǵa oqytk kursynan ótu jáne qaıta dayarlau, qonys audaru múmkíndíkterín ūsynady. Nátıjesínde azamatqa tūraqty jūmysqa ornalasqanǵa deıín súıemeldeu kórsetíledí. Shílde aıynda servıs Pavlodar oblysynda engízíldí. Jūmysqa ornalastyru boıynsha 39 myń SMS-habarlama jíberíldí.
Būl kezeńde óńírde 962 adam jūmysqa ornalasty. Qyrkúıek aıynda servıstí Mańǵystau oblysynda engízu josparlanuda. Jyldyń sońyna deıín servıs elímízdíń barlyq 20 óńíríne auqymdy túrde engízíledí. Osyǵan ūqsas servıs azamattarǵa Aitu mobıldí qosymshasy arqyly da qoljetímdí bolady. JI-kómekshí laıyqty bos jūmys oryndary men oqu kurstaryn íríktep beredí. Jasandy ıntellektíní Eńbek mınıstrlígí kásíptík standarttardy ázírleu kezínde de qoldana bastady. Būǵan deıín qūjat salalyq memlekettík organdar men qauymdastyqtardyń qatysuymen qolmen ázírleníp, ony daıyndauǵa alty aıǵa deıín uaqyt ketetín. Qazírgí kezde jasandy ıntellekt-konfıguratory kásíptík standart jobasyn qalyptastyryp, onyń mazmūnyn ázírleuge, audaruǵa jáne qūjattyń qūrylymyn tekseruge múmkíndík beredí. Nátıjesínde mūndaı jobalardy ázírleu merzímí úsh kúnge deıín qysqardy. Búgíngí kúní konfıguratordy paıdalanu arqyly 106 kásíptík standart jobasy ázírlendí.
Búgíngí kúní jasandy ıntellekt atauly áleumettík kómektí taǵaıyndau kezínde de qoldanylady. Jasandy ıntellekt ótínísh berushíníń tūrǵyn úı-tūrmystyq jaǵdaılarynyń foto jáne beınematerıaldaryn taldaıdy. Atauly áleumettík kómekke mūqtaj nemese mūqtaj emes ekendígí turaly ūsynymdar ázírleıdí. Būl óńírlík uchaskelík komıssıyalardyń jūmysyn edáuír jeńíldetedí. Sheshím qabyldau kezínde subektıvtílíkten alshaqtauǵa múmkíndík beredí.
Múgedektík tobyn belgíleu kezínde jasandy ıntellekt medıtsınalyq derekterdí taldaıdy. Múgedektík tobyn aıqyndau kezínde medıtsınalyq-áleumettík saraptamanyń táuelsíz qatysushysy retínde sheshím jobasyn qalyptastyrady. Būl obektıvtílíktí qamtamasyz etuge, múgedektík tobyn belgíleudíń bíryńǵaı tásílín qalyptastyruǵa jáne adam faktorynyń yqpalyn azaıtuǵa múmkíndík beredí.
Memlekettík kórsetíletín qyzmetterdí avtomatty túrde taǵaıyndau kezínde júıe alushyny ózdígínen anyqtaıdy. Málímetterdí tekseredí jáne audandyq, oblystyq deńgeılerde artyq kelísu kezeńderínsíz tólemdí taǵaıyndaıdy. Būl obektıvtílíktí qamtamasyz etedí. Qolmen óńdeu kólemín azaıtady jáne jekelegen qyzmetterdí kórsetu merzímín ekí kúnnen 10 mınutqa deıín qysqartady. Júıe ís júzínde atauly áleumettík kómek boıynsha 99 myń ótíníshtí jáne múgedektíktí belgíleu boıynsha 151 myń ótíníshtí óńdedí. Bıyl shílde aıynan bastap 12 myń avtomatty túrde járdemaqy taǵaıyndau júzege asyryldy.
Osy jyldyń sońyna deıín jasandy ıntellektíní taǵy bes baǵyt boıynsha engízu josparlanuda. III toqsanda jasandy ıntellekt:
jūmyspen qamtuǵa járdemdesudíń belsendí sharalaryna joldamalar beru kezínde qoldanylady. Jūmys ízdeushíníń sáıkestígín avtomatty túrde baǵalau, qoldau sharalaryn íríkteu jáne azamattyń beıíní men qajettílíkterín eskere otyryp, jeke ūsynymdar qalyptastyru josparlanuda.
kásíbı eńbekke qabílettílíkten aıyrylu dárejesín aıqyndauda qoldanylady. Medıtsınalyq derekterdí taldau jáne eńbekke qabílettílíkten aıyrylu dárejín eskere otyryp, sheshím jobasyn qalyptastyru josparlanuda.
IV toqsanda tómendegí baǵyttar boıynsha tsıfrlyq modelderdí ázírleu josparlanuda:
skanerlengen eńbek kítapshalaryn tanu;
jasyna baılanysty zeınetaqy tólemderín taǵaıyndau kezínde ūsynymdar qalyptastyru;
el kásíporyndaryndaǵy qauípsízdík jáne eńbek jaǵdaılary salasyndaǵy eńbek táuekelderín anyqtau úshín jasandy ıntellekt negízíndegí taldaudy engízu.
«Bíz jekelegen ótíníshtermen jūmys ísteuden azamattardyń ómírlík jaǵdaılaryn súıemeldeuge bírtíndep kóshíp jatyrmyz. Negízgí nátıje rásímder sany emes, naqty adamǵa qajettí kómektíń uaqtyly jáne atauly túrde kórsetíluí mańyzdy», — dedí Asqarbek Ertaev.
Mınıstrlík memlekettík kórsetíletín qyzmetterdí azamattar úshín neǵūrlym proaktıvtí, atauly jáne qolaıly etu maqsatynda jasandy ıntellektíní engízu jūmystaryn jalǵastyrady.