Chempıonattarǵa 22 erler jáne 15 áıelder komandalary qatysuda, dep habarlaıdy aqshamnews.kz tílshísí.
Ūlytau oblysynyń Jezqazǵan qalasynda Qazaqstan Respublıkasy Tótenshe jaǵdaılar mınıstrlígíníń órt sóndíru-qūtqaru sporty boıynsha erler arasyndaǵy XXXII jazǵy jáne áıelder arasyndaǵy XII jazǵy chempıonattarynyń saltanatty ashylu rásímí óttí.
Saltanatty sharaǵa Ūlytau oblysynyń ákímí Eset Baıken, QR TJM Órtke qarsy qyzmet komıtetí tóraǵasynyń orynbasary Asqar Tóleshev, Ūlytau oblysy TJD bastyǵy Esen Baıyrov, «Qazaqstandyq órt sóndírushíler men qūtqarushylardyń sporttyq federatsıyasy» qoǵamdyq bírlestígíníń atqarushy dırektory Dáuren Danaev, QR TJM órt sóndíru-qūtqaru sportyn damytu jóníndegí úılestírushí Maqsūt Espolov, azamattyq qorǵau organdarynyń ardagerlerí, komandalar ókílderí, bas tóreshíler alqasy, jattyqtyrushylar men sportshylar qatysty.
Ashylu rásímí barysynda chempıonat qatysushylaryna ízgí tílekter aıtylyp, sportshylarǵa sáttí óner kórsetu, joǵary nátıjeler men ádíl báseke tílendí.
Chempıonattarǵa erler arasynda 22 jáne áıelder arasynda 15 komanda qatysuda. Qatysushylardyń jalpy sany – 356 adam. Olardyń qatarynda sportshylar, jattyqtyrushylar, komandalar ókílderí jáne tóreshíler qūramy bar.
Chempıonat barysynda sportshylar órt sóndíru-qūtqaru sportynyń tórt dıstsıplınasy boıynsha baq synaıdy:
shabuyl satysymen kóterílu;
100 metrlík kedergíler jolaǵynan ótu;
4×100 metrlík órt estafetasy;
jauyngerlík qanat jayu.
Ūlytau oblysynda respublıkalyq chempıonattardyń ótkízíluí – elímízdíń úzdík sportshylary úshín óz sheberlígín, jyldamdyǵyn, tózímdílígí men kásíbı daıyndyǵyn kórsetuge múmkíndík beretín mańyzdy sporttyq oqıǵa.
Chempıonat qorytyndysy boıynsha úzdík sportshylar men komandalar anyqtalyp, álem chempıonattaryna qatysu úshín Qazaqstan Respublıkasy Tótenshe jaǵdaılar mınıstrlígíníń ūlttyq qūrama komandalarynyń qūramyna úmítkerler íríkteledí.
Jarystyń alǵashqy kúnínde Ūlytau oblysy TJD 1-MÓSB bazasynda «shabuyl satysymen kóterílu» dıstsıplınasy boıynsha ótedí.