Almatyda referendum qalaı óttí? Tolyǵyraq aqshamnews.kz materıalynda.
Qalada saǵat dál 07:00-de referendum ótkízuge arnalǵan barlyq 653 uchaske ashyldy. Shahardyń qoǵamdyq kólígí men ınvataksı qyzmetterí tegín jūmys ístedí.
Kóptegen azamat uchaskeler ashylmaı tūryp kelíp aldy.
Uchaskelerde bíryńǵaı vızual stılde bezendírílgen jarqyn árí sándí fotoaımaqtar ūıymdastyryldy.
Igí dástúrge aınalǵan bastamalardyń bírí – alǵashqy dauys berushílerge táttí syılyqtar taratu boldy. Osyndaı syılyqty almatylyq Aıda Mūsahanova da aldy.
«Referendumǵa qatysu – meníń azamattyq paryzym. Memleket halyqqa sheshím qabyldauǵa múmkíndík beríp otyr», – dedí ol.
№403 uchaskede Ūly Otan soǵysynyń 100 jastaǵy ardagerí Vasılıı Dolbnya dauys berdí. Onyń aıtuynsha, būl referendum el tarıhyndaǵy mańyzdy kezeńderdíń bírí. 
Nauryzbaı audanynda 101 jastaǵy Kamıla Qosumaeva da uchaskege arnaıy kelíp, dauys berdí. Kóp jyl boıy el ıgílígí úshín eńbek etken keıuana mūndaı halyqtyq tańdau óte mańyzdy ekenín aıtty.
«Men árqashan dauys beruge qatysuǵa tyrysamyn. Ár adam kelíp, tańdau jasauy kerek», – dedí ol.
Taǵy bír ǵasyr jasaǵan Ūly Otan soǵysynyń ardagerí Leonıd Podkolzın referendumǵa qatysyp, úıínde dauys berdí.
Referendumǵa mádenıet salasynyń ókílderí de belsendí qatysty. №559 uchaskeníń komıssıya múshelerí áıgílí opera ánshísí árí aktrısa Bıbígúl Tólegenovanyń úıíne baryp, dauys beru múmkíndígín ūıymdastyrdy. Qazaq óneríníń ańyzy elge aq batasyn berdí.
«Elímízde tynyshtyq pen bereke bolsyn. Máńgílík elímízdíń bolashaǵy jarqyn bolsyn!» – dedí ol.
Belgílí teatr qaıratkerí Tūńǵyshbaı Jamanqūlov ta referendumǵa alǵashqylardyń bírí bolyp qatysyp, tańdau jasady.
«Bíz tek óz ómírímíz úshín emes, keler ūrpaq aldynda da jauaptymyz», – dedí ol.
Sonymen qatar Qazaqstannyń eńbek síńírgen artısí Aıjan Nūrmaǵambetova men Qazaqstannyń halyq artısí Lıdıya Kádenova da dauys berdí.
Jastardyń kumırí, ánshí Quandyq Rahym da Almatydaǵy referendum uchaskeleríníń bírínde azamattyq boryshyn oryndady.
«Búgín men Qazaqstannyń jarqyn bolashaǵy, halyqtyń ıgílígí jáne ósíp kele jatqan ūrpaqtyń damuy, baqytty árí berekelí el úshín dauys berdím», – dedí Qazaqstan Jazushylar odaǵy basqarmasynyń tóraǵasy Mereke Qūlkenov.
Referendumǵa sondaı-aq Qazaqstannyń halyq artısí Mūrat Serkebaev, ánshí Sanduǵash Stamǵazıeva, muzykant Óktem Altaev, jazushylar Nūrdáulet Aqysh pen Qalı Sársenbaı, aqyn Aqūshtap Baqtygereeva, Qazaqstannyń eńbek síńírgen artısí Saǵyzbaı Qarabalın jáne kınorejısser Ǵazızhan Ádílhanov jáne basqa da mádenıet qaıratkerlerí qatysty.
Sport salasynyń ókílderí de belsendílík tanytty. Olımpıada oıyndarynyń kúmís júldegerí Islam Baıramukov, bokstan ekí dúrkín álem chempıony Nazym Qyzaıbaı, Parıj-2024 Olımpıadasynyń qola júldegerlerí Aleksandra Le men Islam Sátpaev, sondaı-aq álem chempıonattarynyń júldegerí Vıktorıya Grafeeva dauys berdí.
Bokstan Olımpıada chempıony Ermahan Ibraımov referendumda otbasymen bírge kelíp dauys berdí.
«Mūndaı sharalarǵa qatysu – ár azamattyń jauapkershílígí», – dedí ol.
«Meníń oıymsha, mūndaı sheshímderdíń el bolashaǵy úshín mańyzy zor», – dedí Sıdneı-2000 Olımpıadasynyń taǵy bír chempıony Olga Shıshıgına.
Aıta keteıík, bokstan ekí dúrkín álem chempıony Alua Balqybekova dauys beru úshín Almaty oblysyndaǵy oqu-jattyǵu jıynynan arnaıy keldí. Al qazírgí uaqytta Chehıyada júrgen Olımpıada oıyndarynyń qola júldegerí Ǵūsman Qyrǵyzbaev Praga qalasyndaǵy Qazaqstan Respublıkasynyń Elshílígí janyndaǵy uchaskede dauys berdí.
Belgílí baıker Dmıtrıı Petruhın de referendumǵa qatysyp, tańdau jasady.
Qaladaǵy kóptegen eńbek ūjymy uchaskelerge ūıymdasqan túrde keldí. Tańerteńnen bastap «AlmatyElektroTrans», Almaty metropolıtení, «Almatyjylujaıenergo», «Almaty Su», «Almaty Parkıng» kásíporyndary men «Shın-Laın» kompanıyasynyń qyzmetkerlerí dauys berdí.
«Almaty Qala Jaryq» ūjymy da jūmysyn toqtatpaı-aq dauys beríp qaıtty.
Ūlttyq dıaspora ókílderí de respublıkalyq referendumda belsendílík tanytty. Atap aıtqanda, ūıǵyr qauymdastyǵynyń ókílderí Qalqaman jáne Qaraǵaıly uchaskelerínde ūlttyq kıím kıíp kelíp, dauys beríp, merekelík kóńíl kúı syılady.
Almatylyq jastar áleumettík jelílerde onlaın chellendj ūıymdastyrdy. Studentter, eríktíler jáne belsendí qoldanushylar referendumǵa qatysu turaly beınejazbalar men storıster jarıyalap, azamattyq ūstanym tanytudyń mańyzdy ekenín aıtty.
Dauys beruge «Mereılí otbasy» baıqauynyń jeńímpazdary – pedagogter áuletí Dúısebaevtar men temírjolshylar áuletí Qapyshevter de keldí.
«Ár dauys – bízdíń tańdaǵan bolashaǵymyzǵa jasalǵan qadam», – dedí olar.
Qoǵam belsendísí Bogdan Djepka bírneshe uchaskení aralap, olardyń múmkíndígí shekteulí azamattarǵa qoljetímdílígín tekserdí. Onyń aıtuynsha, kóptegen jerde pandustar, taktıldí baǵyttaǵyshtar men Braıl qarpímen jazylǵan materıaldar jáne basqa da qajettí qūraldar qarastyrylǵan. Būl erekshe qajettílígí bar adamdardyń dauys beruíne jol ashady.
Perınatologıya jáne balalar kardıologıyasy ortalyǵynyń 110 patsıentí de referendumǵa qatysty. Ortalyq dırektory Gúlnár Nūrlanovanyń aıtuynsha, patsıentterdíń medıtsınalyq mekemeden shyqpaı-aq dauys beru qūqyǵyn paıdalanuy úshín barlyq jaǵdaı jasalǵan.
30-dan astam uchaskede kontsertter ótíp, jármeńkeler ūıymdastyrylyp, balalarǵa arnalǵan alańdar jūmys ístedí.
T. Júrgenov atyndaǵy Óner akademıyasyndaǵy uchaskede arnaıy jabdyqtalǵan aımaqta balalarǵa arnalǵan úlken árí qyzyqty boyau pannosy ornatyldy.
Tanymal keıípkerler beınesíndegí ūzyn boıly quyrshaqtar qatysqan shaǵyn qoıylymdar kórsetílíp, balalarǵa arnalǵan attraktsıondar jūmys ístedí.
Tūrǵyndarǵa uchaskelerdíń ózínde Aıjan Nūrmaǵambetova, Ashat Tarǵyn jáne Seıfullın Jolbarys kontsert qoıdy. «Alatau» dástúrlí óner teatrynyń artısterí ūlttyq kıím kıíp shyǵyp, Abaıdyń «Kózímníń qarasy» tuyndysyn oryndady. Būl qala tūrǵyndarynyń nazaryn audaryp, olar ónerpazdardy qol shapalaqtap qoldap, suretke túsíp jatty.
«B. Momyshūly» metro beketínde bı performansy óttí. «Alatau dástúrlí óner teatrynyń» artısterí ūlttyq naqysh pen serpíndí yrǵaqqa toly áserlí bı oryndady.
Keıbír uchaskelerde gúl dúkenderí áıelderge gúl taratu aktsıyasyn ūıymdastyrdy.
Qalada 24 áleumettík jármeńke ótkízílíp, oǵan shamamen 50 myń adam keldí. 350-ge juyq jergílíktí kásípker men óndírushí ónímderín ūsyndy.
Írí sauda-oıyn-sauyq ortalyqtarynda «Nauryz Sale» aktsıyasy ótíp, tūrǵyndar tauarlardy jeńíldíkpen satyp aldy.
Almatyda uchaskelerge Supermen, Temír adam, Kapıtan Amerıka, Djoker jáne «Búrkít» ūzyn boıly quyrshaǵy sekíldí superqaharmandar beınesíndegí qatysushylar da keldí.
Keı jerlerde qonaqtardy ūlttyq kıím kıgen epostyq batyrlar qarsy aldy.
Áleumettík jelílerde tanymal almatylyq Bars Ádílet te uchaskesínde dauys berdí.
Alǵash ret dauys bergen jastar da az bolmady. 18 jasqa endí tolǵan student Nūrsūltan Dadyl Threads áleumettík jelísíníń kostyumín kıíp keldí. Tanymal platformanyń logotıpí beınelengen kıím tūrǵyndardyń nazaryn audaryp, kópshílígí ony suretke túsíríp jatty.
«Threads-ta adamdar kóbíne jasyryn akkaunt arqyly píkírtalas jasaǵandy ūnatady. Internette otyryp bárín synau ońaı, al shyn mánínde tańdau jasap, dauys beru de mańyzdy», – dedí ol.
Almatylyqtardyń bírí uchaskege pıngvınníń kostyumín kıíp keldí. Ol bírden kópshílíktíń nazaryn audaryp, onymen bírge suretke túsíp, selfı jasady. Būl keıípker referendumǵa qatysu úshín Antarktıdadan ūzaq jol júríp kelgen «sayahatshy pıngvındí» beıneledí.
Innovatsıyalyq shyǵarmashylyq ortalyǵy — Otbasylyq oqu kítaphanasynda bukkrossıng aktsıyasy óttí.
Qoǵamdyq kommunıkatsıyalar ortalyǵynda táuelsíz baqylaushylardyń aqparattyq shtabynyń jetekshísí Rafael Gasanov baqylaushylar belsendí monıtorıng júrgízgenín aıtty.
«Ár baqylaushyda arnaıy jurnal bar. Onda saılau uchaskeleríndegí barlyq rásím men kórsetkísh jazylady», – dedí ol.
«AMANAT» partıyasy da qaladaǵy barlyq uchaskede baqylaushylar jūmys ístegenín habarlady.
Olar barlyq rásímníń saqtaluyn tírkep, uchaskelík komıssıyalardyń jūmysy belgílengen tártípke saı ūıymdastyrylǵanyn atap óttí.
Sondaı-aq, Ázerbaıjan, Qyrǵyzstan jáne Túrkıyadan kelgen halyqaralyq baqylaushylar bírqatar uchaskení aralady.
«Er Azamat» qoǵamdyq bírlestígíníń ókílí Alına Kan men qoǵam belsendísí Andreı Andreev dauys beru úderísí tynysh árí ūıymdasqan túrde ótkenín aıtty.
«Dauys beru qalypty rejımde ótíp jatyr, adamdar azamattyq boryshyn oryndauda», – dedí Alına Kan.
Osylaısha, Almatydaǵy referendum megapolıstegí kreatıvtí kózqaras pen jyly, dostyq atmosfera qalyptasqanyn taǵy bír ret kórsettí.