Atom elektr stantsıyasynyń qūrylysy eldíń energetıkalyq qauípsízdígín nyǵaıtuǵa jáne ornyqty ekonomıkalyq ósudí qamtamasyz etuge baǵyttalǵan Qazaqstannyń negízgí ınfraqūrylymdyq jobalarynyń bíríne aınalady, – dep habarlaıdy aqshamnews.kz tílshísí.
Qazaqstanda elektr energıyasyn tūtynu jyl saıyn orta eseppen 3-4% - ǵa artady. Ásírese joǵary ósím eldíń ońtústík aımaqtarynda baıqalady, mūnda tūtynylatyn elektr energıyasynyń edáuír bólígí Soltústík energetıkalyq aımaqtan keletín aǵyndarmen jabylady. Mūndaı jaǵdaıda atom elektr stantsıyasynyń qūrylysy energıyamen jabdyqtaudyń ūzaq merzímdí senímdílígín qamtamasyz etuge jáne ekonomıka men halyqtyń ósíp kele jatqan qajettílíkterín qanaǵattandyruǵa qabílettí strategıyalyq sheshím bolyp tabylady.
Joba óńírlerdíń áleumettík-ekonomıkalyq damuyna aıtarlyqtaı áser etedí. Stantsıyany salu jáne odan árí paıdalanu barysynda myńdaǵan jańa jūmys oryndary qūrylyp, kásíbı oqytu jáne bílíktí tehnıkalyq mamandardy dayarlau múmkíndíkterí keńeıtíletín bolady.
Atom energetıkasyn damytu avtomobıl joldaryn, elektr jáne sumen jabdyqtau obektílerín, sondaı - aq áleumettík ınfraqūrylymdy — mektepterdí, balabaqshalar men medıtsınalyq mekemelerdí saludy jáne jańartudy qosa alǵanda, írgeles aumaqtardyń ınfraqūrylymyn jańǵyrtuǵa yqpal etetín bolady. Óńírlerdíń ınvestıtsıyalyq tartymdylyǵynyń ósuí, shaǵyn jáne orta bıznestíń damuy, sondaı-aq jastar úshín jańa múmkíndíkterdíń paıda boluy kútílude.
Boljamdarǵa sáıkes, Almaty oblysynda AES salu jobasyn íske asyru 2030 jylǵa qaraı 5 myńǵa juyq adamdy jūmys oryndarymen qamtamasyz etuge múmkíndík beredí. 2032 jyly qūrylys-montajdau jūmystarynyń shyńynda tartylǵan personal sany shamamen 10 myń adamǵa jetedí.
Stantsıya paıdalanuǵa berílgennen keıín 2035 jyly tūraqty negízde 2 myńǵa juyq jūmys orny qūrylady. Onyń íshínde 600 — ge juyq mamannyń joǵary bílímí, 550-arnauly orta bílímí jáne 850 — beıíndí tehnıkalyq bílímí bolady.
Osyǵan ūqsas multıplıkatıvtík áser Qazaqstanda jańa joǵary tehnologıyalyq salany qalyptastyruǵa jáne adamı kapıtaldyń ūzaq merzímdí damuyn qamtamasyz etuge múmkíndík beretín keıíngí atom elektr stantsıyalaryn salu jóníndegí jobalardy íske asyru kezínde de kútíledí.