Zeınetaqy zańnamasyna jańa túzetuler ázírleu turaly
BAQ-ta saraptamalyq píkírge sílteme jasaı otyryp taratylǵan QR Eńbek jáne halyqty áleumettík qorǵau mınıstrlígí jūmys berushílerdíń 5% mólsheríndegí míndettí zeınetaqy jarnalaryn (būdan árí – JMZJ) engízuge qatysty zańnamaǵa bírqatar jańa túzetuler ázírlegení turaly aqparat shyndyqqa janaspaıdy, dep habarlady Almaty-akshamy.kz QR Eńbek jáne halyqty áleumettík qorǵau mınıstrlígíníń saıtyndaǵy habarǵa sílteme jasap.
«Qazaqstan Respublıkasynyń keıbír zańnamalyq aktíleríne zeınetaqymen qamsyzdandyru máselelerí boıynsha ózgeríster men tolyqtyrular engízu turaly» 2015 jylǵy 2 tamyzdaǵy zańda JMZJ engízu turaly normalar qabyldanǵanyn atap ótu qajet.
2018 jylǵy 1 qańtardan bastap jūmys berushílerdíń míndettí zeınetaqy jarnalaryn engízudí júzege asyru josparlanǵan bolatyn. Alaıda, míndettí áleumettík medıtsınalyq saqtandyrudyń josparlanyp otyrǵan engízíluín eskere otyryp, osy túzetulerdí qoldanysqa engízu merzímderí 2020 jylǵa auystyrylǵan edí («Qazaqstan Respublıkasynyń keıbír zańnamalyq aktíleríne áleumettík qamsyzdandyru máselelerí boıynsha ózgeríster men tolyqtyrular engízu turaly» 2017 jylǵy 20 mausymdaǵy zań).
Memleket basshysynyń tapsyrmasy boıynsha 2019 jyly zańnamalyq túzetuler qabyldandy, olarǵa sáıkes, JMZJ engízu merzímderí 2023 jylǵa auystyryldy («Qazaqstan Respublıkasynyń keıbír zańnamalyq aktíleríne míndettí áleumettík saqtandyru, áleumettík qamsyzdandyru jáne densaulyq saqtau salasyndaǵy memlekettík-jekeshelík áríptestík máselelerí boıynsha ózgeríster men tolyqtyrular engízu turaly» 2019 jylǵy 26 jeltoqsandaǵy zań).
Sondaı-aq, 2019 jyly Memleket basshysynyń tapsyrmasy boıynsha QR Úkímetí janynan zeınetaqy júıesín odan árí damytu, onyń íshínde JMZJ engízu máselelerín qarau jóníndegí jūmys toby qūryldy. Jūmys tobyna memlekettík organdardyń ókílderí, QR Parlamentíníń deputattary jáne sarapshylar kírdí.
Jūmys toby sheńberínde ázírlengen ūsynystardy Memleket basshysy qoldady, al ūsynylǵan sharalardyń bír bólígí zańnamalyq deńgeıde de, praktıkalyq tūrǵyda da íske asyryldy. Mysaly, 2021 jyldan bastap azamattarǵa zeınetaqy jınaqtarynyń bír bólígín tūrǵyn úı jaǵdaılaryn jaqsartuǵa, emdeludíń aqysyn tóleuge, qarjy ūıymdarynyń basqaruyna beruge maqsatty paıdalanu múmkíndígí beríldí.
Qoldanystaǵy zańnamaǵa sáıkes, jūmys berushíler 2023 jyldan bastap óz qarajaty esebínen jūmyskerleríníń paıdasyna JMZJ audaratyn bolady.
Būl halyqaralyq standarttarǵa sáıkes keletín zeınetkerlík jasqa jetken kezde qazaqstandyqtardyń zeınetaqy jınaqtarynyń (zeınetkerlíkke shyqqannan keıíngí tabysty almastyru koeffıtsıentí) barabar deńgeıín saqtauǵa, sondaı-aq BJZQ-nyń barlyq salymshylarynyń zeınetaqy jınaqtarynyń bír bólígín nysanaly paıdalanu qūqyǵyn íske asyruǵa múmkíndík beredí.
Būl rette jūmys berushíge júkteme, onyń íshínde MZJ tólengen somany salyq salynǵanǵa deıíngí shegerímge jatqyzu bólígínde Salyq kodeksíníń sheńberínde kózdelgen jeńíldíkterdíń esebínen qolaıly deńgeıde qalady.