Áuezov audanyndaǵy №202 mektep-gımnazıyanyń oqushylary qazaq óneríníń maqtanyshy, tanymal akter, rejısser, pedagog, professor, Qazaqstannyń Halyq ártísí Tūńǵyshbaı Jamanqūlovpen kezdestí. Aıtuly óner ıesín mektep ūjymy men shákírtter qazaqy dástúrmen, auyldyń «altyauyzymen» qarsy aldy. Bírneshe án oryndaǵan kíshkentaı ónerpazdardyń óneríne rıza bolǵan akter kórermen retínde qol soǵyp, qoshemet bíldírdí.
Kelesí kezekte oqushylar «Arman jolynda» atty qoıylymdy sahnalady. Qoıylymda bolashaqta akter boludy armandaǵan balanyń otbasyndaǵy oqıǵa bayandalady. Óz ónerín kórsetken «jas ártísterge» Tūńǵyshbaı Qadyrūly erekshe rızashylyǵyn bíldíríp, aq batasyn berdí. Aıtuly óner tarlanymen júzdesken būl kezdesu oqushylarǵa úlken áser qaldyryp, jastarǵa shabyt beríp, ónerge degen qyzyǵushylyqtaryn arttyrdy.
Kezdesu barysynda Tūńǵyshbaı Jamanqūlov ózíníń ómír joly, akterlík ónerge keluí jáne sahnadaǵy qyzyqty sátterí turaly áńgímeledí. Ol óner jolynda eń aldymen eńbekqorlyq, tabandylyq, tózím men bílímníń mańyzyn atap óttí. Sondaı-aq jas ūrpaqty kítap oquǵa, bílímge ūmtyluǵa jáne armanǵa tek adal eńbek arqyly jetuge shaqyrdy.
– Árıne, óner jolyn tańdap, osy maqsatqa ūmtylǵan álgí balanyń qadamyna quanyp otyrmyn. Qoıylym arqyly ómírdíń ózín bezbendegen ūstazdardyń eńbegíne razymyn. Sondyqtan óner jolyn tańdaǵan shákírtke qalqan bolyp, qorǵan bolǵan ūstazdarǵa da alǵysym sheksíz. Óner adamy bolu, osy jolda júru syrt kózge ońaı kórínuí múmkín. Ónerge kelu – batyldyq, al sol ónerge kelíp, joly bolmaǵandardyń ónerden ketuí de batyldyq der edím. Óner adamy bolu úshín ótken-ketkenmen, arǵy-bergí tarıhpen, ata-babanyń jolymen ūǵynysu kerek, sóılesu kerek, maqtanu kerek. Jalpy, óner joly – qıyn da, qıyry mol jol. Ony tańdau bar da, alyp júru bar. Sondyqtan men oquǵa kelgen jastarǵa únemí aqyl aıtyp otyramyn: «Osy bastan adaspaı, aqylmen júríńder. Erteń qıyndyqqa shydamaı, kerí būrylyp ketpeńder», — deımín. Óıtkení ómírdegí eń qymbat nárse – uaqyt. Ony qaıtara almaısyńdar. Kezínde men de su mamany bolǵym keldí. Sol oquǵa tústím. Bíraq ataqty Asqar Toqpanov aǵamyzben kezdesíp, ómírím ózgerdí. Taǵdyrym osy jolǵa tańyldy. Sodan berí osy baǵyttan aınyǵan emespín. Odan jaman bolǵan joqpyn, degenmen kórgen qıyndyǵym da az emes. Sondaı syn saǵatta mení ūstazdarymnyń qoldauy alǵa jeteledí. Ómírde adamnyń talaı ūstazy bolady. Meníń 1-synypta Nūrpatsha degen apaıym boldy, álí kúnge deıín ūmytpaı, eske alyp júremín. Aıtar aqylym – ūstazdaryńdy tyńdańdar, kóp oqyńdar! Jalqau bolmańdar, – dedí Tūńǵyshbaı Jamanqūlov.
Mektep basshysy Bolat Janaıhan qonaqqa rızashylyǵyn bíldírdí.
Mektepte osyndaı taǵylymdy kezdesulerdíń ótuí oqushylardyń ruhanı damuyna, mamandyq tańdauyna úlken áser etetíní sózsíz. Tanymal óner ıesíníń aqyl-keńesí men ómírlík tájírıbesí jastardyń bolashaqqa degen senímín nyǵaıtty. Osy kezdesuden keıín olardyń bírí akter, bírí ınjener, endí bírí geolog boluǵa bel baılap, óz jolyn aıqyndauǵa talpynys jasady.
Raya ESKENDÍR