Almatyda «AlES» AQ-na qarasty Almaty 2-JEO-yn jańǵyrtu jobasy júzege asyrylyp jatyr.
Jobanyń negízgí maqsaty — qorshaǵan ortaǵa túsetín áserdí barynsha azaıtyp, qalanyń eń írí jylu kózíníń ekologıyalyq qauípsízdígín arttyru, – dep habarlaıdy aqshamnews.kz tílshísí.
2-JEO qalanyń energetıkalyq ınfraqūrylymyndaǵy negízgí nysandardyń bírí sanalady. 2012 jyly qyrkúıekten bastap stantsıya aumaǵy qala shegíne engízílíp, Almatynyń Alatau audanynda ornalasqan.
Jańǵyrtudyń basty maqsaty — energıyamen jabdyqtaudyń senímdílígí men tıímdílígín saqtaı otyryp, atmosferaǵa taraıtyn zıyandy zattardyń kólemín azaıtu. Josparlanǵan keshendí sharalardy íske asyru shyǵaryndylardy edáuír qysqartyp, qorshaǵan ortaǵa túsetín terís áserdí tómendetuge múmkíndík beredí.
Mamandardyń esepteuínshe, joba tolyq ayaqtalǵannan keıín ekologıyalyq jaǵdaı aıtarlyqtaı jaqsarady. Máselen, 2026 jyly shyǵaryndylar kólemí 2,7 myń tonnaǵa deıín qysqarady. Al 2022 jyly būl kórsetkísh 37,3 myń tonna bolǵan.
Osylaısha jańǵyrtu jobasy aıtarlyqtaı ekologıyalyq nátıje beríp, stantsıya jūmysynyń zamanauı halyqaralyq ekologıyalyq standarttarǵa sáıkestígín qamtamasyz etedí. Sonymen qatar qalany energıyamen tūraqty qamtamasyz etu saqtalady.