Aktsıyaǵa 200-ge juyq adam qatysty, dep habarlaıdy aqshamnews.kz tílshísí.
Almatyda «Zań men tártíp» qaǵıdaty ayasynda esírtkíníń zańsyz jarnamasyn anyqtauǵa jáne joyuǵa baǵyttalǵan «Esírtkísíz Qazaqstan» auqymdy aktsıyasy óttí.
Ís-sharany Almaty qalasy Jastar sayasaty basqarmasy Almaty qalasy Polıtsıya departamentímen bírlesíp ūıymdastyrdy.
Aktsıyaǵa 200-ge juyq adam – jas belsendíler, «Ádílet jastar odaǵy» jastar qozǵalysynyń ókílderí, «Esirtkisiz Almaty» profılaktıkalyq front keńseníń belsendílerí, eríktíler, jastar komyunıtı ortalyqtarynyń rezıdentterí, polıtsıya qyzmetkerlerí, ákímdík pen prokuratura organdarynyń ókílderí qatysty.
Qatysushylar bírneshe topqa bólíníp, aulalar, qoǵamdyq oryndar jáne qalanyń basqa da aumaqtaryn aralap, esírtkíní zańsyz taratuǵa qatysty jarnamalardy ízdedí. Ásírese, ınternettegí esírtkí saudasyna sílteme jasaıtyn jazular men graffıtılerge basa nazar audaryldy.
Aktsıya qorytyndysy boıynsha esírtkí jarnamasy bar 120-dan astam jazu anyqtalyp, boyalyp joıyldy. Sonymen qatar anyqtalǵan kúmándí ınternet-resurstar turaly aqparat tıístí tekseru júrgízíp, shara qoldanu úshín qūzyrly organdarǵa jíberíldí.
«Mūndaı jazular – qalanyń syrtqy kelbetín būzatyn jaı ǵana kórínís emes. Onyń artynda, ásírese jastar úshín, naqty qauíp tūr. Sondyqtan būl máselege beı-jaı qaramaı, jastardyń ózín profılaktıkalyq jūmystarǵa tartu mańyzdy. Bízdíń míndetímíz – mūndaı jarnamalardy joyumen ǵana shektelmeı, esírtkí men ony taratuǵa qauípsíz qalada oryn joq ekenín túsíndíru», – dedí Almaty qalasy Polıtsıya departamentí Esírtkí qylmysyna qarsy ís-qımyl basqarmasynyń asa mańyzdy íster jóníndegí aǵa jedel uákílí Dáuren Kóbeev.
Ís-sharanyń negízgí maqsaty – jastar arasynda esírtkí qylmysyna tózbeushílík qaǵıdatyn qalyptastyru, qūqyqtyq mádenıettí arttyru jáne jas almatylyqtardy qauípsíz qalalyq ortany qalyptastyruǵa tartu.
«Bíz úshín jastardyń syrttaı baqylaushy bolyp qana qalmaı, qaladaǵy ózektí máselelerdí sheshuge tíkeleı atsalysuy mańyzdy. Búgín jastar memlekettík jáne qūqyq qorǵau organdarynyń ókílderímen bírge kóshelerge shyǵyp, esírtkí jarnamasyna qarsy kúreske úles qosty. Osyndaı aktsıyalar audany men qalasynyń qauípsízdígíne jauapkershílíkpen qarauyna yqpal etedí», – dedí «Ádílet jastar odaǵy» jastar qozǵalysynyń tóraǵasy Tūrlan Erbolat.
Almatyda «Zań men tártíp» qaǵıdaty ayasyndaǵy profılaktıkalyq jūmystar tūraqty túrde júrgízíledí. Jyl basynan berí jastardyń qūqyqtyq sauatyn arttyruǵa jáne qūqyq būzushylyqtardyń aldyn aluǵa baǵyttalǵan 150-den astam ís-shara ūıymdastyryldy. Esírtkíníń taraluyna qarsy ís-qımylǵa da erekshe kóńíl bólíníp otyr. «NarkoSTOP» jobasy ayasynda 110-nan astam ís-shara ótkízílíp, 18 myńnan astam jas qamtyldy.
Sondaı-aq, jastar belsendílerí men tıístí qyzmetterdíń bírlesken jūmysy nátıjesínde esírtkí jarnamasy bar 7,5 myńǵa juyq graffıtı joıylyp, 360-tan astam ınternet-resurs anyqtalyp, būǵattau úshín joldandy.
Mūndaı bastamalar jastardy esírtkí qylmysynyń aldyn aluǵa tartyp qana qoımaı, qalanyń qauípsízdígíne ár adamnyń jauapkershílíkpen qarauyna yqpal etedí. Almatyda zańsyz esírtkí jarnamasyn anyqtau jáne joyu jūmystary jalǵasa beredí.