Eurazıyalyq ıntegratsıya ınstıtuty júrgízgen saualnama boıynsha Exit poll nátıjesí jarıyalandy, – dep habarlaıdy aqshamnews.kz tílshísí.
Qazaqstandyqtardyń 86,7%-y "Iá, qabyldaımyn" dep jauap bergen.
Eurazıyalyq ıntegratsıya ınstıtuty Qazaqstannyń 17 oblysynda, Astana, Almaty, Shymkent qalalarynda Exit poll – referendum uchaskílerínen shyǵa beríste azamattarǵa saualnama júrgízdí. Saualnama 200 referendum uchaskísín qamtydy, onyń íshínde 129 – qalalarda, 71 – auyldyq jerlerde ornalasqan.
Qazaqstandyqtar referendumda qalaı dauys berdí?
15 nauryzda Qazaqstanda jańa Konstıtutsıya boıynsha referendum óttí. El boıynsha dauys beru uchaskelerí tańǵy 7:00-den keshkí 20:00-ge deıín jūmys ístedí.
Dauys beru qūqyǵyna 18 jastan asqan jáne saılaushylar tízímíne engízílgen Qazaqstan azamattary ıe boldy. Tízímge barlyǵy 12 461 796 adam engízíldí.
Referendum kúní el boıynsha 10 388 dauys beru uchaskesí jūmys ístedí. Sonymen qatar, Qazaqstannyń 54 eldegí dıplomatıyalyq ókíldíkterí janynan 71 uchaske ashyldy.
92 uchaskede, negízínen áskerı bólímderde, komıssıyalar jūmysyn erterek – 06:00-de bastady.
10:00-ge qaraı byulleten alǵan qazaqstandyqtar sany 2 393 844 adamdy qūrady. Būl dauys beru qūqyǵy bar azamattardyń 19,21%-y.
12:00-ge qaraı olardyń sany 4 677 595 saılaushyǵa jettí, yaǵnı tízímge engízílgen azamattardyń 37,54%-y.
14:00-de referendum óttí dep jarıyalandy. Dauys beruge 6 471 378 adam qatysty. Osy uaqyttaǵy qatysu deńgeıí 51,93% boldy.
Anyqtama: Zań boıynsha, eger dauys beruge qatysqan azamattar sany barlyq saılaushylardyń jartysynan assa, referendum óttí dep tanylady.
16:00-ge qaraı uchaskelerde 8 029 286 adam dauys berdí.
18:00-ge qaraı saılaushylardyń 70%-dan astamy, yaǵnı 8 845 280 adam óz dauysyn berdí.
20:00-ge qaraı referendumǵa 9 126 850 adam qatysty.
Ortalyq referendum komıssıyasy aldyn ala 73,24% qatysu deńgeıín tírkedí.
Qorytyndy nátıjeler 2026 jylǵy 21 nauryzǵa deıín jarıyalanady.