Bıyl 3 jeltoqsanda Almatydaǵy Rixos Almaty qonaqúıinde Qazaqstannyń úzdik meıramhanalary anyqtalatyn III halyqaralyq WHERETOEAT KAZAKHSTAN syılyǵynyń saltanatty rásimi ótedi, - dep habarlaıdy aqshamnews.kz tilshisi.
Bul is-shara nege mańyzdy?
WHERETOEAT KAZAKHSTAN – jyl saıyn jasalatyn eldiń úzdik meıramhanalar reıtıńi. Ony meıramhana ıeleri men basshylary, shef-aspazdar, somele, barmender, isker orta ókilderi, jýrnalıser men blogerlerden quralǵan sarapshylar alqasy jasyryn daýys berý arqyly anyqtaıdy.
Meıramhanalar ótinim bermeıdi – sarapshylar laıyq dep sanaǵan mekemelerge daýys beredi.
Qorytyndy qandaı?
Sarapshylar daýys berýin aıaqtady, sonyń nátıjesinde:
- Long-lıstke – 9 qaladan (negizinen Almaty men Astana, sondaı-aq Aqtaý, Atyraý, Petropavl, Shymkent, Óskemen, Qostanaı, Qaraǵandy) 208 meıramhana endi.
- Saıtta jarıalanǵan short-lıstke – eń kóp upaı jınaǵan 53 meıramhana kirdi.
Jeńimpazdar 3 jeltoqsanda saltanatty keshte jarıalanady.
Sondaı-aq,
- "Jyl aspazy"
- "Jyl somelesi"
- "Jyl bary"
- "BAQ tańdaýy"
- "Qazaq máziriniń úzdik meıramhanasy"
- "Jyl kondıteri" anyqtalady.
Bul týrızm men gastronomıaǵa qalaı áseri etedi?
Premıanyń bas prodúseri Irına Tıýsonınanyń aıtýynsha, birinshi jartyjyldyqta ishki týrıser aǵymy 500 myń adamǵa ósken, Qazaqstanǵa 7,5 mln sheteldik týrıs kelgen jáne bul salanyń tabysy 25% artqan.