Almatyda qalanyń 2029 jylǵy X qysqy Azıya oıyndaryn ótkízuge daıyndyǵy ayasynda Azıya Olımpıadalyq keńesí (AOK) delegatsıyasynyń ınspektsıyalyq sapary óttí.
Delegatsıya qūramyna Azıya Olımpıadalyq keńesíníń sport, medıa, aqparattyq tehnologıya jáne damu baǵdarlamalary baǵyttaryna jauapty basshylary men mamandary kírdí.
Sapar ayasynda Almatynyń Azıya oıyndaryna daıyndyq barysyna arnalǵan jūmys kezdesuí ótíp, odan keıín delegatsıya qalanyń negízgí sport nysandary men qonaq úı ınfraqūrylymymen tanysty.
Azıya Olımpıadalyq keńesíníń ókílderí Halyk Arena, Almaty Arena, «Medeu» bıík tauly sport keshenín, «Shymbūlaq» tau kurortyn, «Sūńqar» halyqaralyq shańǵy tramplınderí keshenín, Baluan Sholaq atyndaǵy Sport saraıyn, sondaı-aq jarysqa qatysushylar men resmı tūlǵalardy ornalastyru josparlanǵan bírqatar qonaq úıdí aralap kórdí.
Inspektsıyalyq sapar Almatynyń 2029 jylǵy X qysqy Azıya oıyndaryn ótkízuge daıyndyq jūmystarynyń kezektí kezeńí boldy. Jūmys kezdesulerí men sport nysandaryn aralau qorytyndysy boıynsha taraptar aldaǵy ózara ís-qımyl baǵyttaryn jáne Azıyadaǵy eń írí qysqy sport dodasyn ūıymdastyruǵa qatysty máselelerdí talqylady.