Air Astana halyqaralyq logıstıkamen baılanysty kómírtegí shyǵaryndylaryn ekologıyalyq tūraqty avıatsıyalyq otyndy (SAF) paıdalanu arqyly azaıtuǵa qosqan úlesín rastaıtyn DHL GoGreen Plus sertıfıkatyn ıelengen Qazaqstandaǵy alǵashqy kompanıya atandy, – dep habarlaıdy aqshamnews.kz tílshísí.
Sertıfıkatty 2026 jylǵy 16 shíldede DHL Express Kazakhstan kompanıyasynyń bas dırektory Evgenıı Bagdashkın Air Astana-nyń bas atqarushy dırektory Ibrahım Janlyelge tabystady.
«Tūraqty damu - Air Astana tobynyń negízgí basymdyqtarynyń bírí jáne bízdíń bıznes júrgízu qaǵıdattarymyzdyń ajyramas bólígí. IATA-nyń tūraqty damu baǵdarlamalaryn qosa alǵanda, salalyq ESG bastamalaryna qatysu arqyly bíz avıatsıya salasynyń ornyqty damuyna baǵyttalǵan praktıkalyq sheshímder men seríktestík jobalardy qoldaımyz», – dedí Ibrahım Janlyel.
«DHL Express úshín naryq kóshbasshylarynyń kómírtegí ízín azaıtuǵa baǵyttalǵan naqty qadamdar jasap jatqanyn kóru óte mańyzdy. SAF paıdalanu búgínde avıatsıyalyq logıstıkany kómírteksízdendírudíń eń tıímdí qūraldarynyń bírí bolyp tabylady jáne Air Astana-ny osy baǵyttaǵy bastamalarynda qoldauǵa quanyshtymyz», – dep atap óttí Evgenıı Bagdashkın.