Būǵan deıín bíz «Dostar Med» jáne «Sūńqar» qyzmetkerlerí jalǵan qūjattar jasaǵany úshín ūstalǵany turaly habarlaǵan bolatynbyz.
Jalǵan qūjat jasap qolǵa túsken medıtsına qyzmetkerlerí turaly búgín Almaty qalalalyq qoǵamdyq densaulyq saqtau basqarmasynyń basshysy Narıman Tabynbaev túsíník berdí, dep habarlaıdy Almaty-akshamy.kz
Basqarma basshysynyń aıtuynsha, Almaty medıtsınalyq mekemelerínde vaktsına qūjattaryn qoldan jasaudyń ekí jaǵdaıy anyqtalyp, dáleldengen. Onyń bírínshísí osydan 2,5 aı būryn №21 emhanada anyqtalsa, ekínshísí №4 qalalyq emhanada belgílí bolǵan.
«Būl jaǵdaılardy qoǵamdyq densaulyq saqtau basqarmasy ózí anyqtady. Sonymen qatar, osyǵan qatysty jaǵdaıdy polıtsıya departamentíne ózímíz joldadyq. Qazír taǵy bír emdeu ornyn anyqtau boıynsha polıtsıyaǵa júgíndík. Sondaı-aq mūndaı jaǵdaı qaıtalanbas úshín qūqyq qorǵau organdarymen bírge vaktsına salynatyn oryndarda túsíndíru jūmystaryn júrgízíp jatyrmyz, - dedí ol.
Sonymen qatar, ol jalǵan vaktsına pasportyn jasaǵan medıtsına qyzmetkerleríne qandaı jaza qoldanylatynyn aıtty.
«Būl adamdar jalǵan qūjat jasap, vaktsınany joıǵan. Qazír olarmen polıtsıya qyzmetkerlerí jūmys ístep jatyr. Al, mekeme basshylary jūmystaryn jalǵastyruda. Tergeu jūmystary ayaqtalǵan soń bárí belgílí bolady», - dedí basqarma basshysy.