QR Bas memlekettik sanıtar dárigeri Erlan Qıasovtyń jańa qaýlysyna sáıkes, koronavırýsqa qarsy vaksına almaǵany úshin qyzmetkerleri 7 kúnde 1 ret PTR-test tapsyrý mindetteletin uıymdardyń tizimi uzardy.
Jańa qaýly 2021 jylǵy 2 shildede saǵat 00.00-de kúshine enedi, dep habarlaıdy Almaty-akshamy.kz
Oblystardyń, Almaty, Nur-Cultan, Shymkent qalalarynyń ákimderi, ortalyq memlekettik organdar, quqyq qorǵaý jáne arnaıy organdar, «Atameken» UKP (kelisý boıynsha), ulttyq kompanıalar, menshik nysanyna qaramastan zańdy tulǵalar: mynadaı uıymdardyń/obektilerdiń vaksınalanbaǵan jumyskerleri úshin (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) 7 kúnde 1 ret mindetti PTR-testileý engiziledi:
- qyzmet kórsetý jónindegi obektilerdiń (halyqqa qyzmet kórsetý ortalyqtary (HQKO), «Qazposhta» AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanıalary, jyljymaıtyn múlik jónindegi agenttikter, jarnama agenttikteri, aıyrbastaý pýnktteri, lombardtar, sulýlyq salondary, shashtarazdar, hımıalyq tazalaý oryndary, kir jýý oryndary, fıtnes, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabınetteri, monshalar, saýnalar, baseınder, jaǵajaılar, tıpografıalyq kórsetiletin qyzmetter, tigin atelesi, fotosalondar, aıaq kıim sheberhanalary, gúl dúkenderiniń, aıaq kıim, kıim jóndeý, uıymdastyrý tehnıkasyn jóndeý jónindegi servıs, advokat, notarıýs, býhgalter jáne konsaltıń, manıkúr jáne pedıkúr, kosmetologıalyq qyzmetterdi kórsetý jónindegi obektiler, ózge de obektiler);
- halyq tutynatyn ónimderdiń jáne taýarlardyń kóterme jáne bólshek saýdasy (saqtaý) obektileriniń, onyń ishinde bazarlardyń, saýda úıleriniń, saýda jelileriniń, saýda-oıyn-saýyq ortalyqtarynyń, dúkenderdiń, shaǵyn marketterdiń, sýpermarketterdiń, gıpermarketterdiń;
- mádenıet jáne demalys obektileriniń (mýzeıler, mýzeı-qoryqtar, kitaphanalar, konserttik uıymdar, fılarmonıalar, teatrlar, kınoteatrlar, konsert zaldary, klýbtar, galereıalar, kórmeler, sırkter jáne basqa da mádenı-demalys uıymdary);
- halyqtyń turýy boıynsha qyzmetter kórsetý salasyndaǵy obektilerdiń (qonaq úıler, otelder, hostelder, motelder, jataqhanalar, kempıngter jáne taǵy basqalar);
- jolaýshylar tasymalyn júzege asyratyn uıymdardyń, áýejaılardyń, temirjol, avtomobıl jáne sý vokzaldarynyń, ózen jáne teńiz porttarynyń, avtostansıalar/avtoótpe joldarynyń, jolaýshylarǵa qyzmet kórsetý pýnktteriniń;
- bilim berý jáne tárbıeleý uıymdarynyń, onyń ishinde bilim berý damytý jáne túzetý ortalyqtarynyń (eresekter men balalarǵa arnalǵan), oqý-óndiristik kombınattardyń jáne basqa da mektepten tys uıymdardyń;
- sanatorıı-kýrorttyq jáne saýyqtyrý maqsatyndaǵy obektilerdiń (sanatorııler, demalys úıleri/bazalary/aımaqtary, profılaktorııler, balalardyń saýyqtyrý lagerleri (mektep janyndaǵy, qala syrtyndaǵy), týrısik bazalar jáne basqalar);
- qoǵamdyq tamaqtaný obektileriniń, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn obektilerdiń, strıt-fýdtardyń;
- barlyq úlgidegi medısınalyq-áleýmettik obektilerdiń (qarttar, múgedekter úıleri, sábıler úıleri jáne basqalary); - densaýlyq saqtaý uıymdarynyń, onyń ishinde zerthanalardyń; - dárihana uıymdarynyń; - tirshilikti qamtamasyz etý jáne komýnaldyq sharýashylyq obektileriniń (sýmen jabdyqtaý, jylýmen jabdyqtaý, elektrmen jabdyqtaý, aýmaqtardy jınaý jáne qaldyqtardy shyǵarý, úı-jaılar men aýmaqtardy dezınfeksıalyq óńdeý boıynsha uıymdar, avarıalyq-qutqarý qyzmetteri, PIK jáne MIB jáne basqalary);
- ekskýrsıalyq qyzmet kórsetetin uıymdardyń; - demalys obektileriniń, oıyn-saýyq oıyn obektileriniń (kompúterlik klýbtar, bılárd zaldary, boýlıńter, oıyn-saýyq ortalyqtary/saıabaqtary, atraksıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar);
- baılanys jáne telekomýnıkasıa obektileriniń. Sondaı-aq, oblystardyń, Almaty, Nur-Sultan, Shymkent qalalarynyń ákimderi, «Atameken» UKP (kelisý boıynsha), ulttyq kompanıalardyń, uıymdardyń, menshik nysanyna qaramastan, QR aýmaǵynda joǵaryda atalǵan salalarda qyzmetin júzege asyratyn jeke jáne zańdy tulǵalardyń basshylary: 2021 jylǵy 15 shildege deıingi merzimde (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) vaksınanyń birinshi komponentimen, al 2021 jylǵy 15 tamyzǵa deıingi merzimde ekinshi komponentimen profılaktıkalyq egýler júrgizýdi uıymdastyrýy qajet.
Budan bólek, COVID-19 koronavırýs ınfeksıasynyń aldyn alý boıynsha jumyskerler arasynda aqparattyq-túsindirý jumys kúsheıtilýi tıis. COVID-19-ǵa qarsy vaksına almaǵan jumyskerler (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) offlaın rejımde jumysqa jiberilmeıdi.