Qazaqstan Respublıkasynyń Ūlttyq ortalyq muzeıínde kórnektí qazaqstandyq suretshí, auqymdy ūlttyq jobalardyń avtory Bolat Mūhamedıevtíń «Qolóner tarıhy» atty retrospektıvtí kórmesí ashyldy, – dep habarlaıdy aqshamnews.kz tílshísí.
Ekspozıtsıya suretshíníń san qyrly shyǵarmashylyq jolyn aıshyqtaıdy. Avtor úshín óner – únemí alǵa ūmtylu, formanyń kemeldígí men mazmūn tereńdígín úılestíru jolyndaǵy úzdíksíz ízdenís. Bolat Mūhamedıev shyǵarmashylyq ǵūmyrynda batyl eksperıment jasap, janrlyq jáne stıldík shekaralardy keńeıtíp keledí.
Kórmede músíndík jáne sáulettík jobalar, keskíndeme men grafıka tuyndylary, dızaın, tsıfrlyq óner jáne kórkem fotosuret salasyndaǵy eńbekterí ūsynylǵan. Árbír jūmys avtordyń materıaldy sezínu erekshelígín, plastıkalyq oılau júıesín jáne kásíbı sheberlígín tanytady. Suretshí úshín «qolóner» ūǵymy tek tehnıkalyq mashyq emes, ol – dástúr men jańashyldyqty, ūlttyq kórkemdík kodtar men zamanauı álemdík úrdísterdí toǵystyratyn shyǵarmashylyq fılosofıya.
Kórme qazaqstandyq suretshílerdíń ūlttyq beıneleu ónerín damytudaǵy eleulí úlesín aıqyndaıdy. Tereń akademıyalyq mektepten ótken, mol tájírıbe jınaqtaǵan otandyq sheberler eldíń mádenı keńístígín qalyptastyruda mańyzdy ról atqaryp keledí.
Būl kórme jas ūrpaq úshín de taǵylymdy. Muzeıdíń basty míndetí – kórkem mūrany saqtau jáne kórsetu ǵana emes, mádenı sabaqtastyqty nyǵaıtu, Qazaqstannyń kórnektí suretshíleríníń esímderín keńínen nasıhattau arqyly bolashaq buynǵa kásíbı árí ruhanı úlgí kórsetu.
Kórmeníń ashylu saltanatyna suretshíníń áríptesterí men zamandastary Nellı Bube, Marat Tūrǵymbaı, Marlan Nysanbaev, Maksat Kantarbaev, Esenǵalı Sadyrbaev, Djamılya Taken, Shoqan Tólesh, Estaı Daubaev, Fatıma Tarazı jáne basqa da óner qaıratkerlerí qatysty.
«Qolóner tarıhy» retrospektıvasy – shyǵarmashylyqtyń aralyq qorytyndysy ǵana emes, zamanauı qazaqstandyq óner keńístígínde ózíndík orny bar sheberdíń úzdíksíz kórkemdík evolyutsıyasynyń aıqyn kórínísí.