Lazer nemese dron arqyly ūshaqtyń jūmysyna kedergí keltírgender 10 jylǵa deıín bas bostandyǵynan aıyryluy múmkín, dep habarlaıdy aqshamnews.kz
Bas prokuraturanyń habarlauynsha, mūndaı áreketter ūshu qauípsízdígíne tíkeleı qauíp tóndíredí. Sebebí ūshqyshtar uaqytsha kóru qabíletínen aıyrylyp, būl óz kezegínde ūshaq apatyna ákeluí múmkín.
Qazaqstannyń avıatsıyalyq qyzmetteríníń málímetínshe, sońǵy 6 jyl íshínde jolaushylar laınerlerímen baılanysty osyndaı 98 oqıǵa tírkelgen. Eń kóp faktíler Almaty halyqaralyq áuejaıynda oryn aldy. Eger 2017 jyly 8 habarlama tírkelse, 2023 jyly – 30.
Sońǵy uaqytqa deıín otandyq zańnamada mūndaı áreketter úshín arnaıy jauapkershílík qarastyrylmaǵan, būl kínálílerdí jauapqa tartudy aıtarlyqtaı qıyndatty.
16 shíldedegí zańnyń qabyldanuymen Qylmystyq kodekske lazerlík qūrylǵylardy nemese ūshqyshsyz ūshu apparattaryn paıdalana otyryp, áue kemesín basqaruǵa kedergí keltírgení úshín qylmystyq jauaptylyqty belgíleıtín jańa 352-1-bap engízíldí.
Jaza jasalǵan árekettíń saldaryna baılanysty aıyppūl nemese qamauǵa aludan 10 jylǵa deıín bas bostandyǵynan aıyruǵa deıín ózgeredí.