«Qyzmet alushylar kúní» ís-sharasy Qazaqstan Respublıkasy Memlekettík qyzmet ísterí agenttígíníń Tóraǵasy bekítken servıstík jáne klıentke baǵdarlanǵan memlekettík apparatty qalyptastyru jóníndegí jospardy íske asyru sheńberínde ótkízíledí, – dep habarlaıdy aqshamnews.kz tílshísí.
Ís-sharanyń negízgí maqsaty – memlekettík organdardyń halyqpen ózara ís-qımyl sapasyn arttyru, azamattardyń ózektí qajettílíkterín anyqtau, sondaı-aq memlekettík kórsetíletín qyzmetterdí ūsynu tásílderín jetíldíru.
Ís-shara Qazaqstan Respublıkasy Memlekettík qyzmet ísterí agenttígíníń Almaty qalasy boıynsha departamentíníń bastamasymen ótkízíledí. Ony ótkízuge memlekettík kórsetíletín qyzmetterdí ūsynatyn memlekettík organdar men ūıymdar, sondaı-aq jūrtshylyqtyń jáne ózge de múddelí ūıymdar men qūrylymdardyń ókílderí qatysady.
Ís-shara sheńberínde memlekettík kórsetíletín qyzmetterdí alu, tsıfrlyq servısterdí paıdalanu máselelerí boıynsha túsíndíru jūmystary júrgízíledí, sondaı-aq azamattarǵa memlekettík kórsetíletín qyzmetterdí ūsynu tártíbín retteıtín zańnamadaǵy jańa múmkíndíkter men ózgeríster turaly aqparat beríledí.
Memlekettík kórsetíletín qyzmetterdíń halyqtyń barlyq sanattary úshín, onyń íshínde áleumettík osal toptarǵa jatatyn adamdar úshín qoljetímdílígí men sapasyn arttyru máseleleríne erekshe nazar audarylady.
«Qyzmet alushylar kúní» ís-sharasyn memlekettík organdar men azamattar arasyndaǵy ashyq dıalog formatynda ótkízu memlekettík kórsetíletín qyzmetterdíń qoljetímdílígí men ashyqtyǵyn arttyruǵa, memlekettík organdardyń qyzmetín jetíldíru kezínde halyqtyń qajettílíkterín eskeruge, sondaı-aq azamattardyń memlekettík ınstıtuttarǵa degen senímín nyǵaıtuǵa yqpal etedí.
ŪIYMDASTYRUShYLAR: Qazaqstan Respublıkasy Memlekettík qyzmet ísterí agenttígíníń Almaty qalasy boıynsha departamentí jáne Almaty qalasy Medeu audany ákímíníń apparaty.
ÓTKÍZÍLETÍN KÚNÍ: 2026 jylǵy 25 qyrkúıek.
ÓTKÍZÍLETÍN UAQYTY: saǵat 11:00-den 13:00-ge deıín.
ÓTKÍZÍLETÍN ORNY: Almaty qalasy, Medeu audany, Pushkın kóshesí men Maqataev kóshesíníń qıylysy.
Medeu audany ákímíníń apparaty baspasóz qyzmetíníń baılanys
telefony: +7 776 226 99 99