Ulttyq joba 2021-2025 jyldarǵa arnalǵan
Elordada Qazaqstan qoǵamynyń mádenıetin, aǵartý jáne ulttyq rýh deńgeıin arttyrýǵa baǵyttalǵan «Ulttyq rýhanı jańǵyrý» jobasynyń baǵyttary jáne iske asyrý tetikterin túsindirý jónindegi onlaın semınar-konferensıa ótti, dep habarlaıdy Almaty-akshamy.kz.
Jıynǵa Nur-Sultan, Almaty, Shymkent qalalarynyń İshki saıasat basqarmalary jáne «Rýhanı jańǵyrý» óńirlik jobalyq keńseleri basshylary qatysty. 2021-2025 jyldardy qamtıtyn Ulttyq joba: Rýhanı jańǵyrý qundylyqtaryn ilgeriletý jáne memlekettik tildi damytý; «El rýhy» - mádenı sharalar kesheni; «Táýelsizdik urpaqtary» - jastar úshin jańa múmkindikter jasaý sıaqty úsh baǵyt boıynsha iske asyrylady.
«Ulttyq rýhanı jańǵyrý» jobasynyń basty maqsaty ulttyq-mádenı biregeılikti saqtaý jáne mádenı ónimderdi yntalandyrý, olardyń sapasy men alýan túrliligin arttyrý arqyly árbir qazaqstandyqtyń kórkemdik-shyǵarmashylyq áleýetin iske asyrý, sondaı-aq jas urpaqtyń boıynda rýhanı adamgershilik qundylyqtardy qalyptastyrý.
Qazaqstandyq biregeılik pen zıatkerlik áleýetti damytý, memlekettik tildi damytý úshin jaǵdaı jasaý, mádenıet salasynda qoljetimdilik pen sapany arttyrý, otandyq mádenı ónimdi nasıhattaý, jastar úshin jańa múmkindikterdi damytý, NEET sanatyndaǵy jastardy áleýmettendirý, jastardy qoǵamdyq-paıdaly qyzmetke tartý jobanyń negizgi mándetterin quraıdy.
Konferensıa barysynda baǵyttar boıynsha baıandamalar jasalyp, joba aıasynda týyndaǵyn suraqtar boıynsha pikirler aıtyldy.
Aldaǵy ýaqytta jalpy Ulttyq jobanyń aqparattyq-túsindirý jumystary boıynsha ádistemelik qural daıyndalyp, óńirlerge taratylmaq.