«Taza Qazaqstan» jalpyūlttyq ekologıyalyq bastamasy búkíl el boıynsha 6,9 mln-nan astam adamdy bíríktírdí, – dep habarlaıdy aqshamnews.kz tílshísí.
Bírlesken kúsh-jígermen 1,1 mln. gektar aumaq tazartyldy, 844 myń tonna qaldyq jınalyp, shyǵaryldy, 1,3 mln astam aǵash otyrǵyzyldy.
Jyl basynan berí 753 ekologıyalyq ís-shara ótkízíldí, oǵan azamattar, eríktíler, jastar, memlekettík organdar, bıznes jáne qoǵamdyq ūıymdar ókílderí qatysty.
Bastamanyń mańyzdy bólígí-erte jastan ekologıyalyq mádenıettí qalyptastyru. «Jasyl balabaqsha» jobasy ayasynda ekologıyalyq baǵyttaǵy 295 mektepke deıíngí ūıym qūryldy, al mektepterde ekologıyalyq tárbıe boıynsha 158 myńnan astam synyp saǵaty ótkízíldí.
Qoǵamdyq ekologıyalyq baqylau belsendí damyp keledí. TazaQazBot Telegram-chat-boty arqyly sanıtarlyq jaǵdaı jáne aumaqtardy abattandyru máselelerí boıynsha 59,6 myń ótíním kelíp tústí.
«Taza Qazaqstan» - būl jaı ǵana ekologıyalyq aktsıyalar emes, tazalyqqa, tabıǵatqa jauapkershílíkpen qarauǵa jáne ekologıyalyq mádenıettí qalyptastyruǵa degen ortaq ūmtylys.