Elímízdegí sayası jáne qoǵamdyq ózgeríster tūsynda «Qazaqstan» ūlttyq telearnasynyń bírqatar baǵdarlamasy audıtorıya jınau jaǵynan joǵary kórsetkíshterge qol jetkízdí, – dep habarlaıdy aqshamnews.kz tílshísí.
Sońǵy uaqytta otandyq telekórermenderdíń talǵamy ózgeríp, tanymdyq mańyzy bar saraptamalyq jobalarǵa degen sūranysy artty.
Ásírese, kórermenníń yqylasyna bóleníp, ósím kórsetken úsh negízgí jobany bóle-jara aıtuǵa bolady:
«Álem jáne bíz» – álemdík sayasattyń Qazaqstanǵa áserín taldaıtyn joba. Sáuírdíń ortasynan berí audıtorıyasy 1,5 ese óstí. Halyqaralyq jaǵdaıdyń ushyǵuy, sonyń íshínde AQSh pen Iran arasyndaǵy teketíres, Ormuz būǵazyndaǵy ahual, mūnaı baǵasy men osyndaı shyrǵalań zamandaǵy dıplomatıyalyq sayasat efırde egjeı-tegjeılí taldanady.
«Ízgílík formulasy» azamattyq jauapkershílík pen ıgí ísterdí nasıhattaıdy. Jaqsylyq jasau degen tek bíreuge úı salyp beru nemese qarjylaı kómektesumen shektelmeıdí. Ízgílíktíń formulasy óte kóp. Baǵdarlama qoǵamǵa paıdasyn tıgízíp júrgen qarapaıym azamattardy úlgí etedí árí Prezıdent ūsynǵan «Adal azamat» jáne «Taza Qazaqstan» qaǵıdattarymen úndesedí. Mausymnyń sońynan berí audıtorıyasy ekí eseden astam artty.
«Qazaq Creative» – kreatıvtí ındustrıya men ūlttyq áleuettí tanytatyn joba. Mamyr sońynda efırge shyqqan baǵdarlamanyń audıtorıyasy shíldeden berí 2,5 eseden astam óstí. Mádenı kásípkerlík pen otandyq ónerdíń ekonomıkalyq áleuetín ashyp kórsetetín habar kórermenníń, ásírese jastardyń úlken qyzyǵushylyǵyn tudyrdy.
Túıíndeı aıtqanda, telearna jobalarynyń audıtorıyalyq ósímí elímízdegí auqymdy sayası jáne qoǵamdyq ózgeríster kezeńínde oryn aldy. Būl halyqtyń tek kúndelíktí jańalyqtardy tamashalap qana qoımaı, eldíń bolashaǵy men damuyn, azamattyq jauapkershílík pen ūlttyq qūndylyqtardy kórsetetín tereń mazmūndy baǵdarlamalarǵa basymdyq bere bastaǵanyn aıqyn dáleldeıdí.