Almatyda saılau uchaskelerí jabyldy, – dep habarlaıdy aqshamnews.kz tílshísí.
El tarıhyndaǵy Qūryltaı deputattarynyń alǵashqy saılauy ótken qarbalas kún máresíne jettí. Endí kelesí kezeń – byulleten men dauysty sanau bastalady. Būl úderístí táuelsíz baıqaushylar qadaǵalaıdy.
Almaty úshín búgíngí kún rasynda da erekshe óttí. Tańerteń saılau uchaskelerí ashylǵan sátten-aq keıbírínde kezek paıda boldy.
Máselen, Qyzdar pedagogıkalyq unıversıtetíníń ǵımaratynda ornalasqan saılau uchaskesínde saǵat 7:00-den 7:30-ǵa deıín alǵash kelgen 150 saılaushy dauys berdí. Tūrǵyndar tańdauyn jasau úshín uchaskege aldyn ala kelgen.
Kúní boıy saılau uchaskelerínde erekshe ahual qalyptasty. Saılaushylardy komıssıya múshelerímen qatar, shyǵarmashylyq ūjymdar da qarsy aldy. Bírqatar uchaskede muzyka áuelese, endí bírínde áıgílí Qūrmanǵazy atyndaǵy orkestr óner kórsettí.
Qoǵamdyq ómírge belsene aralasudy būrynnan dástúrge aınaldyrǵan azamattar da būl kúnníń ózíndík nyshanyna aınaldy.
Qarapaıym qala tūrǵyndarymen qatar, tanymal almatylyqtar, mádenıet ókílderí jáne basqa da qoǵamǵa belgílí tūlǵalar tańdau jasady.
Qalanyń qūrmettí tūrǵyndary men ardagerlerdíń saılauǵa qatysuy erekshe nazar audartty. Olardyń arasynda 100 jasqa tolǵan almatylyqtar da bar. Olar azamattyq ūstanymnyń jasqa qaramaıtynyn úlgísímen kórsettí.
Alaıda Almatydaǵy saılaudyń basty erekshelígíníń bírí – kreatıv boldy.
Qala tūrǵyndary saılau uchaskesíne barudy naǵyz performansqa aınaldyrdy. Bírí futboldyń jaryq jūldyzdary Lıonel Messı men Krıshtıanu Ronaldudyń beınesínde kelse, endí bírí antıkalyq dáuírdegí Odısseı keıpíne endí, al taǵy bír uchaskede Penelopa paıda boldy. Tosyn beıneler mūnymen de shektelmedí – Almaty típtí Kane Uestíń keıpíndegí saılaushymen tańǵaldyrdy.
Osylaısha, azamattyq belsendílík, ázíl men qala mádenıetí ózara úılesím tapty. Almatylyqtar tańdau jasauǵa asqan jauapkershílíkpen qarap, sonymen bírge oǵan shyǵarmashylyq tūrǵydan keluge bolatynyn taǵy bír kórsettí.
Būl kúní Almaty tūrǵyndarynyń taǵy bír dástúrlí súıíspenshílígí – hosh ıístí kofe men dámdí taǵam da nazardan tys qalmady. Kóptegen uchaskede jyljymaly kofehanalar jūmys ístep, mańaıynda fermerlík ónímder ūsynylǵan azyq-túlík jármeńkelerí óttí. Sondyqtan keıbír qala tūrǵyndary úshín saılauǵa baru bír shyny kofe íshíp, balǵyn ónímder satyp aluǵa árí otbasymen bírge uaqyt ótkízuge múmkíndík berdí.
Almatydaǵy saılau kúní osylaı óttí: tańerteńnen bastalǵan kezek, áuezdí muzyka, shyǵarmashylyq ís-sharalar, tanymal tūlǵalar, ardagerler, jastar men tosyn beıneler būl kúnge erekshe reńk berdí.
Endí kúnníń merekelík bólígí ayaqtaldy. Saılau uchaskelerí jabylyp, byulleten sanau bastaldy, al baıqaushylar būl úderístí baqylaudy jalǵastyryp jatyr.
Dauys beru ayaqtaldy. Endí dauystardy sanau bastalady. Aıta keteıík, saılau uchaskeleríníń eshqaısysynda zań būzushylyqtar tírkelgen joq.