Búgín elímízde Qūryltaı deputattarynyń saılauy ótíp jatyr. El ómíríndegí mańyzdy qoǵamdyq-sayası nauqannan Qazaqstan Respublıkasy Ūlttyq ūlanynyń áskerı qyzmetshílerí de qalys qalmaı, óz tańdaularyn jasady, – dep habarlaıdy aqshamnews.kz tílshísí.
Ūlttyq ūlannyń «Ońtústík» óńírlík qolbasshylyǵyna qarasty áskerı bólímderdegí saılau uchaskelerí tańǵy saǵat 06:00-de jūmysyn bastady. Qūqyqtyq tártíp áskeríníń jeke qūramy dauys beruge belsendí qatysyp, qyzmettík-jauyngerlík míndetteríníń erekshelígíne baılanysty saılau uchaskelerínde dauys beru merzímínen būryn ayaqtaldy.
Almaty qalasyndaǵy 5571 áskerı bólímínde ornalasqan №107 saılau uchaskesíne alǵashqylardyń bírí bolyp «Ońtústík» óńírlík qolbasshylyǵynyń qolbasshysy general-maıor Sakentaı Shekarbekov kelíp, óz tańdauyn jasady.
Jalpy, «Ońtústík» óńírlík qolbasshylyǵyna qarasty áskerı bólímderde Otan aldyndaǵy boryshyn ótep júrgen áskerı qyzmetshíler áskerı qalashyqtar aumaǵynda ornalasqan 9 saılau uchaskesínde dauys berdí.
Dauys berushíler arasynda saılauǵa alǵash ret qatysqan jas sarbazdar da bar. 18 jasqa tolyp, tūńǵysh ret dauys beru qūqyǵyna ıe bolǵan áskerı qyzmetshílerge estelík syılyqtar tabystaldy.
Solardyń bírí – 5571 áskerı bólímínde merzímdí áskerı qyzmetín ótkeríp júrgen qatardaǵy jauynger Marǵūlan Qūralbaı.
– Men alǵash ret dauys beruge qatysyp otyrmyn. Otanymyzdyń bolashaǵyna beıjaı qaraı almaımyn. Táuelsíz Qazaqstannyń azamaty retínde elímízde oń ózgeríster bolǵanyn qalaımyn. Sondyqtan búgín azamattyq paryzymdy oryndap, elímízdíń bolashaǵy úshín óz tańdauymdy jasadym, – deıdí jas sarbaz.
Qūqyqtyq tártíp áskeríníń jeke qūramy qoǵamdyq-sayası nauqanǵa qatysumen qatar, ózderíne júktelgen qyzmettík-jauyngerlík míndetterín oryndaudy jalǵastyruda.