Úkimette Memleket basshysynyń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Qazaqstan halqyna Joldaýy aıasynda týrızmdi damytý jónindegi jumystar qaraldy.
Premer-mınıstrdiń orynbasary Ermek Kósherbaev ortalyq memlekettik organdar men óńirlerdiń ókilderimen keńes ótkizdi. Kezdesý barysynda týrızm máseleleri jáne týrısik aımaqtardyń jaǵdaıy boıynsha Prezıdenttiń tapsyrmalaryn júzege asyrý týraly esepter tyńdaldy. Sonymen qatar eldiń negizgi týrısik destınasıalaryna jasalǵan is saparlardyń nátıjeleri usynyldy. Ermek Kósherbaev qabyldanyp jatqan sharalardyń jetkiliksiz ekenin aıtyp, ınfraqurylymdy damytý men týrısik nysandardaǵy kórsetiletin qyzmetterdiń sapasyn arttyrý jumystaryn jedeldetýdiń mańyzdylyǵyn erekshe atap ótti. Memleket basshysynyń jańa tapsyrmalaryn eskere otyryp, aldaǵy jazǵy maýsymǵa kýrorttyq aımaqtardy daıarlaýǵa basa nazar aýdaryldy.
«Týrızmdi damytý – bul tek qana ekonomıkalyq úles emes, sonymen qatar Qazaqstannyń halyqaralyq ımıjin nyǵaıtýdyń, ınvestısıalyq tartymdylyǵyn arttyrýdyń jáne óńirlerdi damytýdyń mańyzdy faktory. Osy maqsattarǵa qol jetkizý úshin zamanaýı ınfraqurylym salýmen qatar, álemdik ozyq tájirıbelerge sáıkes keletin joǵary servıs standarttaryn qalyptastyrý qajet»,
– dep atap ótti Premer-mınıstrdiń orynbasary. Úkimet týrızmdi ulttyq ekonomıkanyń negizgi draıverleriniń biri retinde qarastyrady.
Mańyzdy shart retinde shaǵyn jáne orta bıznestiń belsendi qatysýy, sondaı-aq otandyq jáne sheteldik týrıserge qyzmet kórsetý isine halyqtyń keń aýqymyn tartý qajettiligi ataldy.
Jıyn qorytyndysy boıynsha memlekettik organdarǵa kýrorttyq aımaqtardyń abattandyrý standarttaryn jáne týrıserdiń qaýipsizdigin qamtamasyz etý, sheteldik qonaqtar úshin pasporttyq baqylaý rásimderin jeńildetý, suranysqa ıe áýe baǵyttaryna halyqaralyq loýkosterlerdi tartý, sondaı-aq týrısik qyzmetterdiń sapasyn arttyrýǵa baǵyttalǵan birqatar basqa da sharalar júzege asyrý tapsyryldy.