Qauly 2026 jylǵy 13 shíldeden bastap qoldanysqa engízíledí, – dep habarlaıdy aqshamnews.kz tílshísí.
Úkímettíń 2026 jylǵy 26 mausymdaǵy qaulysymen Qazaqstan Respublıkasynyń Memlekettík tuyn, Memlekettík eltańbasyn jáne olardyń beınelerín paıdalanu (ornatu, ornalastyru) qaǵıdalaryna ózgeríster engízíldí.
Jańa qaǵıdaǵa sáıkes, patrıottyq sezímdí, qazaqstandyq bíregeılíktí bíldíru, sondaı-aq el men onyń azamattarynyń jetístíkterín qoldau maqsatynda jeke jáne zańdy tūlǵalar Memlekettík tudy tūrǵyn jáne tūrǵyn emes ǵımarattarǵa, onyń íshínde balkondarǵa (45 gradus būryshpen), sondaı-aq saltanatty ís-sharalar ótetín oryndarǵa ornatyp, ornalastyra alady.
Memlekettík tu kólemíne qaramastan ūlttyq standart talaptaryna tolyq sáıkes keluí tıís. Jeke jáne zańdy tūlǵalardyń Memlekettík tudy ūlttyq standart talaptaryn būza otyryp paıdalanuyna jol berílmeıdí. Sondaı-aq Memlekettík tudy qorlauǵa baǵyttalǵan kez kelgen maqsatta paıdalanuǵa tyıym salynady.
Sonymen qatar qaǵıdaǵa Memlekettík tudy paıdalanuǵa qatysty bírqatar jańa talaptar engízíldí.
Qaǵıdaǵa sáıkes, Memlekettík tudy paıdalanu (ornatu, ornalastyru) mynadaı talaptar saqtalǵan jaǵdaıda rūqsat etíledí:
jeke tūrǵyn úılerge jerden kemínde úsh metr bıíktíkte ornalastyru. Būl rette túngí uaqytta tudy jaryqtandyru míndettí emes. Ǵımarattyń sáulettík nemese tehnıkalyq erekshelíkteríne baılanysty jeke jáne zańdy tūlǵalar tudy oǵan írgeles aumaqta ornalasqan jeke tu tūǵyryna (flagshtokqa) ornata alady;
tudyń jerge, edenge, suǵa nemese ózge de betterge janaspauyn qamtamasyz etu;
tudy tík kúıde ornalastyru. Būl jaǵdaıda ūlttyq órnek matanyń joǵarǵy bólígínde ornalasuy tıís;
jeke jáne zańdy tūlǵalar ūıymdastyratyn mádenı, sporttyq, qoǵamdyq jáne ózge de ís-sharalarda Memlekettík tudy kommertsıyalyq maqsatta paıdalanbau;
tudyń jyrtylǵan, tozǵan, jamalǵan, tesílgen, lastanǵan, óńí ketken, myjylǵan nemese onyń qadír-qasıetí men rámízdík mánín tómendetetín ózge de aqaulary bolmauy;
jeke jáne zańdy tūlǵalarǵa tıesílí kólík qūraldarynyń salonynda Qazaqstan Respublıkasynyń memlekettík rámízder turaly zańnamasynyń talaptaryn saqtaı otyryp paıdalanuǵa jol beríledí.
Sondaı-aq Memlekettík tuǵa qatysty mynadaı talaptar belgílendí:
Memlekettík tudy qasaqana búldíruge, joyuǵa, órteuge, jyrtuǵa, jerge tastauǵa, maqsatsyz paıdalanuǵa, sondaı-aq onyń memlekettík rámíz retíndegí qadír-qasıetí men mańyzyn tómendetetín ózge de áreketter jasauǵa jol berílmeıdí.
Būdan bólek, Memlekettík tudy jarnamalyq maqsatta, sondaı-aq kıím-keshek, tósek-oryn jabdyqtary, perde, dastarqan, kílemshe jáne ózge de tūrmystyq būıymdar retínde paıdalanuǵa tyıym salynady.
Al sportshylardyń sporttyq kıímí men arnaıy jabdyqtarynda Memlekettík tudyń beınesín paıdalanuǵa rūqsat etíledí.
Túzetulerge sáıkes, Prezıdenttíń, Parlamenttíń, Úkímettíń, memlekettík organdardyń, sottardyń, máslıhattar men ákímdíkterdíń resmı ınternet-resurstarynda Memlekettík tu men Memlekettík eltańbanyń beınesín ornalastyru kezínde memlekettík rámízderdíń bír deńgeıde ornalasuy jáne mynadaı kezektílík saqtaluy tıís: Memlekettík tu, Memlekettík eltańba, Memlekettík ánūran.
Sonymen qatar Qazaqstan Respublıkasynyń memlekettík rámízderíne arnalǵan stendter ornalasqan bólmeler nemese olardyń bólíkterí, onda Memlekettík ánūrannyń mátíní de ornalastyrylatyn bolsa, estetıkalyq talaptarǵa saı bezendírílíp, sharuashylyq-tūrmystyq bólmelerden, dálízderden jáne kıím íletín oryndardan alys ornalasuy qajet.
Stendterde nemese plakattarda Memlekettík tu, Memlekettík eltańba jáne Memlekettík ánūran mátíní ornalastyrylǵan jaǵdaıda da olardyń bír deńgeıde ornalasuy jáne Memlekettík tu – Memlekettík eltańba – Memlekettík ánūran tártíbí qatań saqtaluy tıís.
Memlekettík rámízder beınelengen stendterdí, plakattardy jáne ózge de kórnekí materıaldardy rásímdeu kezínde kók tústí fon qoldanylyp, jazular altyn túspen jazyluy kerek.
Qauly 2026 jylǵy 13 shíldeden bastap qoldanysqa engízíledí.