Úkímet Qoja Ahmet Yasauı mūrasyn ílgeríletu jáne nasıhattau jóníndegí 2026-2028 jyldarǵa arnalǵan ís-qımyl josparyn bekíttí. Tıístí qaulyǵa premer-mınıstr Oljas Bektenov qol qoıdy, – dep habarlaıdy aqshamnews.kz tílshísí.
Qūjatta ūly oıshyldyń mūrasyn zerdeleu, saqtau jáne nasıhattau, sondaı-aq Túrkístandy ruhanı turızmníń negízgí ortalyqtarynyń bírí retínde damytuǵa baǵyttalǵan 37 ís-shara qarastyrylǵan.
Josparda ınstıtutsıonaldyq jáne qūqyqtyq bazany jetíldíru, ǵylymı-zertteu jáne bílím beru ísí, mádenı-aǵartushylyq jáne shyǵarmashylyq jobalar, aqparattyq-ımıdjdík jáne halyqaralyq ís-sharalar, sondaı-aq qalpyna keltíru sıyaqty bes baǵyt qamtylǵan.
Jastarmen jáne mektep oqushylarymen jūmys ísteuge erekshe kóńíl bólínude. Ís-sharalardyń basym bólígí Túrkístan qalasynda ótedí. Atap aıtqanda, qalada oqushylar arasynda dástúrlí «Yasauıtanu» baıqauynyń respublıkalyq kezeńín ótkízu, al muzeı janynan «Yasauıtanu» klubyn ashu josparlanyp otyr.
Jūmystyń basym bólígí Qoja Ahmet Yasauı shyǵarmalary men ǵylymı eńbekterín basyp shyǵaru, ūly oıshyldyń mūrasyn otandyq jáne sheteldík ǵylymı ortalyqtar men mūraǵattarda anyqtau, mūraǵat materıaldary men qūjattary katalogín ázírleuge qatysty.
Yasauı mūrasyn árí qaraı nasıhattau úshín turısterge arnalǵan aqparatty, sonyń íshínde gaıdbuktardy, beınerolıkter men audıo gıdterdí jańartu, sheteldík turısterge beıímdelgen jańa turıstík marshruttar ázírleu, kesenede ǵylymı-restavratsıyalau jáne basqa da jūmystar júrgízu josparlanyp otyr.
Josparda YuNESKO-nyń «Álem jady» baǵdarlamasy ayasynda Yasauıdíń tabylǵan jáne zerttelgen jazba mūrasyn nasıhattau, YuNESKO men ISESKO sheńberínde Yasauı jylyn nemese arnaıy mádenı kúnderdí jarıyalau máselesín pysyqtau kózdelgen.
Jospardyń júzege asuy Qoja Ahmet Yasauı mūrasyn saqtau jáne zerdeleu jūmystaryn keńeıtuge, onyń el íshínde jáne shetelde nasıhattaluyn kúsheıtuge, sondaı-aq Túrkístannyń mańyzdy ruhanı, mádenı jáne turıstík ortalyq retíndegí áleuetín ashuǵa múmkíndík beredí.