Almatynyń barlyq segíz audanynda «Taza Qazaqstan» bastamasy ayasynda mazmūny tereń, mańyzy zor auqymdy senbílíkter óttí. Būl ıgí íske myńdaǵan qala tūrǵyny, eríktíler, qoǵamdyq ūıymdar men etnomádenı bírlestíkterdíń ókílderí belsene atsalysty, – dep habarlaıdy aqshamnews.kz tílshísí.
Qatysushylar sayabaqtar men aulalardy, ózen jaǵalaulary men jasyl aımaqtardy tazalap, tūrmystyq qaldyqtardan aryltty. Aǵash díńín áktep, quraǵan būtaqtardy kesíp, jańa kóshetter otyrǵyzdy.
Túrksíb audanynda senbílíktíń negízgí alańyna aınalǵan «Jeltoqsan» sayabaǵynda tūrǵyndar, eríktíler jáne 1986 jylǵy Jeltoqsan oqıǵasynyń qatysushylary bas qosty. Aldaǵy Jeltoqsan oqıǵasynyń 40 jyldyǵyna oraı ūıymdastyrylǵan būl ís-sharaǵa erekshe ruhanı jáne tarıhı mán beríldí.
«Kópshílígímíz búgínde ata-áje atansaq ta, qoǵam ómírínen shet qalǵan joqpyz. Būl sayabaqtyń orny aıryqsha, onyń qala tūrǵyndary men qonaqtarynyń súıíktí demalys ornyna aınalyp kele jatqany bízdí quantady», — dedí «Jeltoqsan-86 – Táuelsízdík qyrandary» respublıkalyq qozǵalysynyń tóraıymy Gúlbahram Júnís.
«Mūndaı ıgí sharalar jyl saıyn jalǵasyp, jyl saıyn oǵan qatysushylar sany artyp otyr», — dedí audan ákímíníń orynbasary Ermek Ámírov senbílíkke shamamen 150 adam qatysqanyn aıtyp.
Alatau audanynda ótken senbílíkke Qazaqstan halqy Assambleyasynyń múshelerí, etnomádenı bírlestíkterdíń ókílderí, jastar men eríktíler qatysty. Olar aulalardy, balalar alańdaryn, sayabaqtar men skverlerdí tazalap, kógaldandyru jūmystaryn júrgízdí.
«Osyndaı senbílíkterdí júıelí túrde ótkízu josparda bar. Aldaǵy uaqytta aǵash egu, su aıdyndaryn tazartu jáne túrlí ekologıyalyq sharalar ūıymdastyrylady», — dedí Qazaqstan halqy Assambleyasynyń múshesí Rustam Qaıryev.
Sondaı-aq, ol ekologıyalyq jauapkershílíktíń mańyzyn erekshe atap, bír ǵana paıdalanylǵan batareıkanyń 20 sharshy metr jerdí jáne 400 lıtr sudy lastaı alatynyn eske saldy.
«Óskeleń ūrpaqty tabıǵatqa janashyrlyqpen qarauǵa tárbıeleu, ekologıyalyq mádenıettí qalyptastyru óte mańyzdy», — dedí Almaty qalalyq dūnǵan etnomádenı ortalyǵy fılıalynyń tóraıymy Farıda Aıdyrqyzy.
Jetísu audanynda tazalyq jūmystary Esentaı ózeníníń boıynda — Samyrsyn kóshesínen Palladın kóshesíne deıín júrgízíldí. Oǵan 2 500-den astam adam qatysyp, 30-ǵa juyq arnaıy tehnıka jūmyldyryldy.
«Mūndaı bastamalar aldaǵy uaqytta da jalǵasyn tauyp, auqymy keńeıe bermek. Sebebí, olar qala keńístígíne degen jauapkershílíktí arttyruǵa yqpal etedí», — dedí audan ákímíníń orynbasary Janasyl Sabyrūly.
Almatyda mūndaı senbílíkter tūraqty túrde ótkízílíp keledí. Olar qalanyń ekologıyalyq ahualyn jaqsartuǵa, qoǵamdyq keńístíkterdí kórkeıtuge jáne tūrǵyndardyń tabıǵatqa degen jauapkershílík mádenıetín qalyptastyruǵa baǵyttalǵan mańyzdy qoǵamdyq bastamaǵa aınalyp otyr.