«Taza Qazaqstan» respublıkalyq jobasy ayasynda QR ÍÍM Ūlttyq ūlany «Ońtústík» óńírlík qolbasshylyǵynyń jeke qūramy auqymdy senbílík ūıymdastyrdy, – dep habarlaıdy aqshamnews.kz tílshísí.
Ís-shara barysynda áskerı bólím aumaǵy men oǵan írgeles jatqan aımaqtardy abattandyru jáne kógaldandyru jūmystary júrgízíldí.
Tańerteńnen bastap áskerı qyzmetshíler aumaqty qoqystan tazalap, taldardyń túbín áktep, gúlzarlardy retke keltírdí. Ásírese qolbasshylyq basqarmasy men oǵan jaqyn ornalasqan aumaqtarǵa erekshe kóńíl bólíndí.
Atalǵan shara otansúıgíshtík pen azamattyq jauapkershílík ruhynda ótíp, jeke qūramnyń ūıymshyldyǵyn arttyruǵa jáne bólímdegí qolaıly moraldyq-psıhologıyalyq ahualdy qalyptastyruǵa oń áserín tıgízdí.
Sharaǵa qatysqan «Ońtústík» óńírlík qolbasshylyǵy qolbasshysynyń tyl jóníndegí orynbasary polkovnık Tımur Mūsabekov óz sózínde mūndaı bastamalardyń mańyzdylyǵyna toqtaldy:
- Osyndaı ıgí sharalar áskerı qyzmetshílerdíń tuǵan jerge degen janashyrlyǵyn arttyryp, qorshaǵan ortaǵa jauapkershílíkpen qarauǵa tárbıeleıdí. Tazalyq – tártíptíń aınasy. Sondyqtan bíz úshín būl tek senbílík emes, būl – tárbıe men bírlíktíń kórínísí, - dedí ol.
Aıta keteıík, osyndaı senbílík sharalary óńírlík qolbasshylyqqa qarasty barlyq áskerı bólímderde ūıymdastyryldy.