Qūjatqa sáıkes, ıtter men mysyqtardy esepke alu míndettí túrde chıp arqyly júzege asyrylady, – dep habarlaıdy aqshamnews.kz tílshísí.
Ózge úı januarlaryn esepke alu úshín onyń ıesí qajettí būıymdy nemese qūraldy ózí tańdap, satyp alady.
Būǵan deıín úı januarlarynyń asqazan-íshek jolyna engízíletín bolyusterdí esepke alu qūraly retínde paıdalanuǵa rūqsat etílgen edí. Endí būl norma qaǵıdalardan alynyp tastaldy.
Sondaı-aq esepke alu qūralyn ornatqannan keıín derekter bazasyna engízíletín málímetterdíń tízímí keńeıtíldí.
Oǵan mynalar kíredí:
jeke tūlǵa bolyp sanalatyn úı january ıesíníń jeke sáıkestendíru nómírí (JSN), tegí, aty, ákesíníń aty (bar bolsa) nemese zańdy tūlǵanyń bıznes-sáıkestendíru nómírí (BSN) men atauy;
jeke tūlǵanyń tūrǵylyqty jerí nemese zańdy tūlǵanyń ornalasqan jerí men zańdy mekenjaıy;
úı january ıesíníń baılanys derekterí;
úı january ūstalatyn oryn;
januardyń túrí, aty, tūqymy, jynysy, túsí, tuǵan kúní men jasy;
esepke alu būıymynyń nemese qūralynyń túrí, nómírí men derekterí;
úı januarynyń jeke nómírí;
júrgízílgen vaktsınatsıya men zararsyzdandyru turaly aqparat;
úı january chıpíníń nómírí. Itter men mysyqtar úshín būl málímettí kórsetu míndettí.
Sonymen qatar qaǵıdalardan "veterınar", "zoologıyalyq qonaqúı", "baılanys zooparkí", "jyljymaly haıuanattar baǵy" jáne "aulau qyzmetí" ūǵymdary alynyp tastaldy.
Būıryq 2026 jylǵy 28 tamyzdan bastap qoldanysqa engízíledí.