Sábılerdíń 14-í – ūl, 11-í – qyz, dep habarlaıdy aqshamnews.kz tílshísí.
Astanada 23 tamyz – Qūryltaı saılauy kúní 25 sábı dúnıege keldí. El tūrǵyndary saılau uchaskelerínde óz tańdauyn jasap jatqanda, elorda perzenthanalarynda bírneshe otbasy dúnıege kelgen sábıín qarsy alyp, quanyshty sáttí bastan ótkerdí.
Elordadaǵy medıtsınalyq ūıymdardyń málímetínshe, būl kúní 25 sábı dúnıege keldí. Dúnıege kelgen sábılerdíń 14-í – ūl, 11-í – qyz.
Árbír otbasy úshín balanyń dúnıege keluí – eń mańyzdy árí kópten kútken sátterdíń bírí. Būl kún 25 elordalyq otbasy úshín erekshe kúnge aınaldy.
Elordadaǵy bosandyru ūıymdarynyń dárígerlerí men medıtsına qyzmetkerlerí bolashaq analar men jańa tuǵan nárestelerge táulík boıy qajettí medıtsınalyq kómek kórsetudí jalǵastyruda.
Astanada ana men bala densaulyǵyn qorǵau máselesíne erekshe kóńíl bólínedí. Elordada júktílík jáne bosanu kezeńíndegí áıelderge, sondaı-aq jańa tuǵan nárestelerge kórsetíletín medıtsınalyq kómektíń qoljetímdílígí men sapasyn arttyru baǵytyndaǵy jūmystar jalǵasyp jatyr.