Túrkistan qalasynda Sattarhanov kóshesindegi munaı bazasynyń aýmaǵynda órt boldy, dep habarlaıdy Aqshamnews.kz tilshisi QR TJM baspasóz qyzmetine silteme jasap.
Vedomstvo málimetinshe, jalyn qysqa ýaqyt ishinde tez tarala bastaǵan. Alaıda órt sóndirýshilerdiń jedel áreketiniń arqasynda qyzyl jalyn der kezinde oqshaýlandyrylyp, tolyq sóndirildi.
«Órttiń shyǵý sebebi anyqtalyp jatyr», – delingen mınıstrlik taratqan qysqasha habarlamada.
Oqıǵaǵa baılanysty TJM ásirese qaýipti zattarmen jumys isteıtin nysandarda órt qaýipsizdigi erejelerin qatań saqtaýdyń mańyzyn eske saldy.