Bul týraly Qoja Ahmet Iasaýı atyndaǵy Halyqaralyq qazaq-túrik ýnıversıtetiniń profesory Muhtar Qoja óziniń Facebook-tegi paraqshasynda jazdy, dep habarlaıdy almaty-akshamy.kz
«Jaqyn arada "Túrkistan oblysynyń kún qaqtaǵan dalasynda kóne túrki dáýiriniń músini jatyr" degen habarmen Qoja Ahmet Iasaýı atyndaǵy Halyqaralyq Qazaq-Túrik ýnıversıtetiniń Arheologıa ǵylymı zertteý ınstıtýty qyzmetkerleri shuǵyl saparǵa shyǵyp, kóne jádigerdi kórýge asyqty... Túrki dáýirine jatatyn tas músin beınesi erekshe eken. Bir qaraǵanda erekshe bas kıimi bar músin «kóne túrkilerdiń qudaıy Umaı anany, ne baıyrǵy baqsyny - dinı qyzmetkerin beınelep tur ma» degen boljamdar aıtyp jatyrmyz. Zertteý jumystaryn júrgizip, nátıjesin jarıalaımyz. Mundaı eskertkishti jáne onyń bastapqyda tabylǵan jerin kórsetken azamatqa - Saparbek Asqarbekulyna erekshe rızamyz, alǵysymyzdy bildiremiz», - dep jazdy Muhtar Qoja Facebook-tegi paraqshasynda.
