Ókíldík júıesín jetíldíru zań shyǵaru úderísín anaǵūrlym ashyq etedí, dep habarlaıdy dep habarlaıdy Aqshamnews.kz.
Qazaqstan Respublıkasy Qūryltaıy deputattarynyń aldaǵy saılauy halyqaralyq sarapshylar qauymdastyǵy tarapynan oń baǵasyn aldy. Mamandardyń píkírínshe, elímízde júrgízílíp jatqan sayası reformalar demokratıyalyq ınstıtuttardyń damuyna, azamattardyń memlekettík basqaruǵa qatysu múmkíndíkteríníń keńeyuíne jáne qoǵamnyń senímín nyǵaıtuǵa yqpal etedí.
Sarapshylardyń aıtuynsha, ókíldík júıesín jetíldíru zań shyǵaru úderísín anaǵūrlym ashyq etedí, sondaı-aq eldíń damuyna áser etetín sheshímderdí qabyldauǵa azamattardyń qatysuyna qosymsha múmkíndíkter beredí.
Būl turaly Ortalyq Azıya qorynyń dırektory, MERI unıversıtetíníń Halyqaralyq zertteuler ortalyǵynyń jetekshísí Ramakant Dvıvedı óz píkírín bíldírdí.
«Qazaqstan Qūryltaıyna ótetín aldaǵy saılau azamattardyń óz ókílderín tíkeleı saılauy arqyly demokratıyalyq basqarudy nyǵaıtudyń mańyzdy kezeńíne aınalady. Qazaqstandyqtar óz elíníń bolashaǵyn qalyptastyruǵa tíkeleı qatysu múmkíndígíne ıe bolady. Reformanyń praktıkalyq artyqshylyqtary zań shyǵaru úderísín ońtaılandyruda jáne artyq byurokratıyalyq rásímderdí qysqartuda kórínís tabady. Sonyń nátıjesínde ókíldí organnyń qyzmetí ashyq, qoljetímdí árí azamattardyń múddesíne baǵyttalǵan bolady», — dedí Ramakant Dvıvedı.
Eske salaıyq, Qazaqstan Respublıkasy Qūryltaıy deputattarynyń saılauy 2026 jylǵy 23 tamyzda ótedí.