Memleket basshysy Qasym-Jomart Toqaev Reseı men Ukraına arasyndaǵy qaqtyǵysqa qatysty ūstanymyn bíldíríp, eń aldymen atysty uaqytsha toqtatyp, kelíssózderdí qaıta jandandyru qajet ekenín aıtty, , – dep habarlaıdy aqshamnews.kz tílshísí. Būl turaly Aqordanyń baspasóz qyzmetí málímdedí.
Prezıdenttíń aıtuynsha, Reseı men Ukraına arasyndaǵy jaǵdaı – memleketaralyq qaqtyǵys. Ol Qazaqstannyń ukraın halqyna, onyń tílí men mádenıetíne árdaıym qūrmetpen qaraıtynyn atap óttí.
– Meníńshe, qaqtyǵysty uaqytsha toqtatyp, «Ystanbūl 2.0» formatyna qaıta oralǵan dūrys. Sebebí atalǵan kelíssóz barysynda aıtarlyqtaı nátıjege qol jetkízílgen edí. Sodan keıín alpauyt elderdíń, sonyń íshínde Reseıdíń kepíldígí arqyly kópten kútken beıbítshílíkke qadam basuǵa bolady, – dedí Prezıdent.
Sonymen qatar Memleket basshysy Qazaqstannyń būl qaqtyǵysta araǵaıyn boludan úzíldí-kesíldí bas tartatynyn málímdedí.
– Reseı – ūly el, al orys halqy – ūly halyq. Kún tártíbíndegí barlyq máselení deldalsyz-aq sheshe alady. Alaıda búgín óz píkírímdí bíldírudí jón kórdím. Tyǵyryqtan qalaı shyǵu kerek ekenín eshkím bílmeıdí. Qos taraptyń óz ūstanymy bar. Áıtse de, osy alauyzdyqty uaqytsha doǵaruǵa bolady. Būl – synaqtan ótken halyqaralyq tájírıbe. Ókíníshke qaraı, órímdeı jastar qūrban bolyp jatyr. Olar – bauyrlas Reseı men Ukraına halyqtarynyń keleshegí. Sondyqtan mūnyń bárín toqtatu kerek. Meníń oıymsha, qazírgí bolyp jatqan jaǵdaı Reseı men Ukraınanyń dūshpandaryna ǵana tıímdí, – dedí Qasym-Jomart Toqaev.
Prezıdent sóz sońynda Qazaqstannyń Reseımen strategıyalyq seríktestík pen odaqtastyq qatynasty odan árí damytuǵa beıíl ekenín taǵy bír márte rastady.
– Qazaqstannyń Reseımen qarym-qatynasyndaǵy ūstanymyna keler bolsaq, bíz Reseıdí árdaıym ūly memleket dep sanaımyz. Men būl turaly barlyq halyqaralyq forumdarda aıtyp júrmín. Bíz qansha qıyn bolsa da, Reseımen strategıyalyq seríktestíktí jáne odaqtastyq qatynastardy damytuǵa beıílmíz. Búgíngí forum – sonyń aıǵaǵy, – dedí Memleket basshysy.